Parlamentera Tevgera Goran Şirîn Emîn diyar kir ku heta niha ti agahî derbarê rewşa girtiyên Behdînane tune ye û got: bêdengiya li parlamentoyê û ya li qada navneteweyî rê dide desthilatê ku rojnameger û çalakvanan li gorî armancên xwe, ceza bike.
Tevî hemû zextên navxweyî û nevdewletî yên têkildarî rojnameger û aktivîstên Behdînan yên ku hatine girtin û binçavkirin hîna jî ti gav cidî nehatine avêtin.
Parlamentera Tevgera Goran Şêrîn Emîn derbarê mijarê de, ji ajansa nûçeyan Rojnews’ê re axivî û diyar kir ku heta niha ti agahî derbarê rewşa girtiyên Behdînane tuneye.
Şirîn Emîn destnîşan kir ku komek ji parlamenteran daxwaz kirin ku girtiyan bibînin û rewşa wan ya tenduristî ji nez ve bişûpînin.
Şêrîn her wiha bal kişand li ser biryara Dadgeha Hewlerê ya cezakirina rojnameger û da zanîn ku di vê biryarê de nedadperwerî tê diyarkirin û got:
“Bêdengiya li parlamentoyê û ya li qada navneteweyî rê dide desthilatê ku rojnameger û çalakvanan li gorî armancên xwe, ceza bike”
Derbarê dosyaya rojnemeger Qehreman Şukrî ku ev zêdeyî 80 rojî ji aliyê PDK’ê ve hatiye bincavkirin Şêrîn ev yek anî zinam:
Ev cara sêyemîne ku Qehreman Şukrî û ji aliyê PDK’ê ve tê girtin û heta niha jî cihê û sedama girtina wî ne diyare.
Tevî ku min çend caran daxwazname pêşkêşî serokatiya hikûmet û parlamentoyê kiriye da ku ez wî bibînim, lê heta niha ev yek nehatiye qebûlkirin.