Gerînendetiya Avê ya Giştî ya Hesekê xebatên amadekirina stasyona avê ya El-Elwa li başûrê Şedadê bi dawî kir.
Rêvebera Stasyona El-Elwa Ferîda El-Sedûn diyar kir, stasyon bi tevahî hazir e û tenê çend gav mane da ku avê ji stasyona Siwer a gundewarên bakurê Dêra Zorê berdin. Ew jî piştî xebatên amadebûna stasyona 47’an bi dawî bibe.
Ferîda El-Sedûn destnîşan kir ku ew ê destpêkê kişandina avê tecrube bikin, paşê ji Stasyona El-Elwayê bişînin depoyên avê yên stasyona 47 û ji wir bikişînin stasyona Ezîziyê ya li bajarê Hesekê.
Li gorî Rêvebera Stasyona El-Elwa, xetên şikestî yên kevn ên di navbera Stasyona Siwer û Stasyona El-Elwe de dereng hatin keşifkirin û wê di nava 2 rojên bê de bi dawî bibin.