Ji fermandarên Hêzên Ewlekariya Hundirîn a herêma Cizîrê-Jin Helat Hesen wiha got: “Ji bo bersivdayîna banga QSD’ê û navbeynkariya polîsên leşkerî yên Rûsyayê em li gorî agirbestê tev digirin.”
Têkildarî ragihandina agirbestê li bajarê Qamişloyê, ji fermandarên Hêzên Ewlekariya Hundirîn a herêma Cizîrê-Jin Helat Hesen ji ajansa me re axivî.
Helat Hesen got beriya çend saetan perspektîf ji hêzên wan re hatin dayîn ku divê di rewşa xweparastinê û pabendbûna bi agirbestê de bin û heta sibe saeta 10’an sibehê tu guleyan neavêjin.
Helat Hesen piştrast kir ku agirbest û dema wê li ser encamên civîna sêalî disekin ku dê sibe di navbera Fermandariya Hêzên Ewlekariya Hundirîn a herêma Cizîrê, QSD’ê û polîsên leşkerî yên Rûsyayê de pêk were.
Helat Hesen wiha got: “Em li gorî banga QSD’ê tev digirin û niha em di rewşa xweparastina ji çi rewşeke awarte de ne û di heman demê de jî em li gorî agirbestê tev digerin.”
Di encama civîna di navbera polîsên leşkerî yên Rûsya û fermandarên QSD’ê de agirbest di navbera Hêzên Ewlekariya Hundirîn û çeteyên Dîfaa El-Wetenî hate ragihandin, agirbest ji îşev û heta sibe saet 10:00’an ye.
