Bi sedan şêniyên navçeyên Til Hemîs û Tirbespiyê, rûspî û şêxên eşîrên Ereb û Kurd sersaxî ji malbata şehîd Hayis El-Ciriyan xwest. Hemuyan jî şehîd Hayis El-Ciriyan bi şehîdê aştiyê bi nav kir.
3’ê Nîsanê rûspiyê êla Benî Seba Hayis El-Ciriyan ji aliyê çeteyan El-Dîfa El-Wetenî ve, bi hewldana têkbirina aramî û jiyana hevbeş hate armanckirin.
Duh bi sedan şêniyên navçeyên Til Hemîs û Tirbespiyê, rûspî û şêxên eşîrên Ereb û Kurd, Desteya Rûspiyên Eşîran a herêma Cizîrê û şandeyek ji têkiliyên leşkerî sersaxiya malbata şehîd Hayis El-Ciriyan kir.
Di merasîma sersaxiyê de, Koordînatorê Giştî ya Meclisa Eşîr û Rûspiyan a herêma Rojhilat Hewas Cidêi axivî û sersaxî ji malbatên şehîdan, xwest.
Hayis ji bo aştî û têkbirina fitneyê canê xwe feda kir.
Lê ji aliyê çeteyên Dîfa El-Wetenî ve li pêşiya mala xwe bi awayekî hovane hate kuştin.
Em destpêkê weke desteya rûspiyan sersaxiyê ji xwe re dixwazin û ji hemû gelê herêmê re jî..
Şehîd Hayis El-Ciriyan ji bo agirbestê bi insiyatîfa mirovî û aştiyê rabû, lewma em wî weke şehîdê aşîtiyê bi nav dikin.
Birayê şehîd Hayis El-Ciriyan, Beyan El-Ciriyan, spasiya Desteya Rûspiyan kir, her wiha spasiya wan kir ku Hayis weke şehîd aştiyê bi nav kiriye.
Rûspiyekî eşîra El-Sade ya li Tirbespiyê Hisên El-Sade jî bang li gel kir ku yekîtiya xwe ava bikin.
Em bang li gel dikin ku yekîtiya xwe ava bikin, duh ji bîr bikin û li pêşeroja xwe binêrin, da ku bikaribin welatê xwe li ser bingeha rast, azad û demokrat ava bikin.
Hin alî daxuyaniyan didin, behsa tiştinan dikin ku qet em wan naxwazin.
Ji ber vê em hêvî dikin ku li şûna van daxuyaniyan, daxuyaniyên îşaretê bi hezkirin, lêborîn û biratiyê dikin, bidin.
Desteya Hundirîn a Herêma Cizîrê li ser daxuyaniyên ku hin partî û kesayetên siyasî didin û tê de rastiyan berovajî dikin, ev daxuyanî bi hewldanên derxistina fitneyê di navbera pêkhateyên herêmê de bi nav kir.
