Projeya Rêveberiya Xweser kevirê bingehîn ê biryatiya gelan û jiyan hevbeş e. Da ku di aliyê navneteweyî de were naskirin, bang zêde dibin. Hevserokê Yekîtiya Rewşenbîran a Minbicê Ehmed El-Yûsiv destnîşan kir ku herêmên Rêveberiya Xweser tevî hemû zehmetiyên ku rastî wan tên, di nava aramiyê de ne. El-Yûsiv diyar kir ku divê di aliyê navneteweyî de Rêveberiya Xweser were naskirin.
Li herêmên Bakur û Rojhilatê Sûrî Rêveberiya Xweser bi berfirehî hemû pêkhate pêşwaz kir û ev proje weke modeleke nû ya rêvebirinê ji xwe re hilbijart.
Nexasim ku proje banga yekîtiya xaka Sûriyê û parastina welêt dike û li ser asta herêmê ji demokratiyê re pêşengitiyê dike.
Vê hişt ku pêkhateyên cuda û beşên civakê li herêmê, bang li civaka navneteweyî bikin ku destekê bide rêveberiyê û wê nas bike.
Hevserokê Yekîtiya Rewşenbîran a Minbicê Ehmed El-Yûsif heman bang kir û destnîşan kir ku Rêveberiya Xweser li çareseriya aştiyene digere.
Ev projeya Rêveberiya Xweser her tim hewl dide çareseriya aştiyane ji aloziya Sûriyê re bibîne û rijandina xwînê bisekinîne.
Ew projeya tekane ye ku banga diyalogê li hemû aliyên Sûrî dike.
Ji ber wê em dixwazin ku bangên zêdetirî cidî ji aliyê civaka navneteweyî hebin da ku projeya rêveberiyê nas bikin.
Ehmed El-Yûsiv bal kişand ser rewşa herêmên Hikûmeta Şamê û herêmên di bin dagirkeriya Tirk de û anî ziman ku rewşa wan ne aram e, berovajî herêmên Rêveberiya Xweser ku tevî zehmetiyên rastî wan tên, di nava aramiyê de ne.
Divê rêveberî were naskirin, ji ber xwestekên gelên Sûriyê pêk tîne û ew çareseriya tekane ji bo bidawîkirina aloziya Sûriyê ye.
Heke Rêveberiya Xweser desteka navnetewî bigire û were naskirin dê bandoreke wê erênî mezin li herêmên ku bi rê ve dibe û projeya neteweya demokratîk, hebe.
Hevserokê Yekîtiya Rewşenbîran a Minbicê dawiyê heman bang li rewşenbîr, siyasetmdar, çalakvan û civaka navneteweyî kir.
