QSD’ê bi daxuyaniyekê, îdiayên Wezareta Parastinê ya dewleta Tirk ku qaşo li herêma ‘Diri El-Firat’ 6 şervanên QSD’ê şehîd bûne, derewand.
Navenda Ragihandin û Çapemeniyê ya QSD’ê têkildarî îdiayên dewleta Tirk ên vê dawiyê belav kirine, daxuyaniyek da.
QSD’ê diyar kir ku Wezareta Parastinê ya dagirkeriya Tirk bi belavkirna îdiayên derew li ser malper û hesabên xwe yên fermî, asta bêçaretiya xwe nîşan dide.
QSD’ê di daxuyaniyê de wiha got:
“Li gorî wan nûçeyan rojên 4 û 8’ê Gulanê qaşo li herêma ‘Diri El-Firat’ 6 şervanên me şehîd bûne û çeperên me hatine rûxandin. Ev nûçe derew e û ji rastiyê dûr e.
Dewleta Tirk îdia kir ku 2 û 5’ê Gulanê li herêma Efrînê hêzên me sivîl topbaran kirine û li gorî nûçeyên dewleta Tirk li hemberî sivîlan êrişêke bombeyî pêk hatiye.
Li vê herêmê tu tevgera hêzên me nîn e. Yên ku herêmê bê ser û ber topbaran dikin, dewleta Tirk a dagiker û çeteyên wê ne.”