Çeteyên Semirqend ên dewleta Tirk a dagirker ku li gundê Kefir Sefrê yê navçeya Cindirêsê bi cih bûne, 3 hezar û 500 darên zeytûnê yên şêniyên gund desteser kirin.
Li gorî çavkaniyên ji hundirê navçeya Cindirêsê ya Efrîna dagirkirî, çeteyên Semirqend ên girêdayî dewleta Tirk a dagirker 3 hezar û 500 darên zeytûnê yên şêniyên gundê Kefir Sefrê desteser kirin.
Ji wan 2 hezar dar ên Henan Mihemed Birîm , 700 dar ên Muchim Hac Ebdo û 800 dar ên Reşîd Îbiş in.
Heman çavkanî destnîşan kir ku piştî çeteyên Semirqend 100 darên zeytûnê yên Reşîd Îbiş qut kirin, Îbiş jiyana xwe ji dest da.