Fermandara Biryargeha Navendî ya YJA Starê Zozan Çewlik li ser êrişên dagirkeriyê yên dewleta Tirk û berxwedana gerîla diyar kir wê Kurdistanê bikin goristana faşîzmê.
Zozan Çewlik destnîşan kir ku wê ti carî rê nedin dagirkeriyê û ewê bi ser bikevin.
Fermandara Biryargeha Navendî ya YJA Starê Zozan Çewlik li ser êrişên dagirkeriyê yên dewleta Tirk û berxwedana gerîla ji ANF’ê re axivî.
Zozan Çewlik di destpêkê de di şexsê şehîdên meha Gulanê de şehîdên têkoşîna azadiyê bi bîr anî û got:
Piştî serketina Garê, em li bendê bûn ku dewleta Tirk ji bo jibîrkirina têkçûna xwe ya li Garê êrişên xwe yên li ser Rêber APO û tevgera me giran bike.
Li gorî vê yekê, hêzên me yên YJA Starê bi her awayî, bi rengekî xurt û bi bandor şerê gel ê şoreşgerî dimeşînin.
Ev nirxên ku şervanên wêrek afirandine, di nava gelê Kurd û jinên Kurd de veguherîne çandekê û exlaqê.
Zozan Çewlik: Berxwedana gerîla ji nifşê nû re dibe mînak
Fermandar Zozan Çewlik destnîşan kir ku şervan û fermandarên YJA Starê di vî şerê dîrokî û stratejîk de li dijî dijmin bi taktîkên afirîner çalakiyên xurt dikin û wiha anî ziman:
Her berxwedan tê wateya çîrokeke efsanewî ya lehengiy û ev berxwedan gerîla ji nifşê nû re dibe mînak. Em bi çalakiyên xweser bi rengekî çalak tevlî pêngavê dibin û têkoşînê bilind dikin.
Zozan Çewlik: Her kes divê jiyana xwe li gorî şerê li dijî qirkirinê birêxistin bike
Têkildarî helwesta gelê Kurd a li dijî êrişên dagirkeriyê jî Zozan Çewlik dibêje:
Gel ê şoreşgerî divê bi her awayî bê meşandin.
Ciwan jî divê bi ruhê seferberiyê tevlî pêngava bi navê ‘ciwanên dibin baz’ bibin û berxwedana xwe mezin bikin.
Zozan Çewlik: Ti êrîş wê li pêşiya me nikaribe bibe asteng
Di dawiya axaftina xwe de Fermandara Biryargeha Navendî ya YJA Starê Zozan Çewlik destnîşan kir ku şervan û fermandarên YJA Starê wê bi dilsoziya xwe ya bi azadiyê re şer bikin û ti êriş wê nikaribe wan bisekinîne.