Nerazîbûnên welatiyên Başûrê Kurdistanê yên li dijî êrîşên dagirkeriyê ên dewleta Tirk jî zêde dibin.
Parlemanterên Iraqî jî bang li hikûmeta Iraqê kirin ku komisyonekêê ji bo lêkolînkirina çekên kimyawî yên ku dewleta Tirk bi kar aniye ava bike.
Êrîşên dewleta Tirk ya ji bo dagirkirina tevahî Başûrê Kurdistanê dewam dike.
Li hemberî dagirkeriya Tirk berxwedana gerîlayan jî mezin dibe.
Roj bi roj piştgiriya ji bo gerîla û nerazîbûna dijî dagirkeriya Tirk di nava raya giştî de zêde dibe.
Welatiyên navçeya Ranyayê ya Raperînê bertekên xwe dijî dagirkeriya Tirkiyê ser xaka Başûr nîşan dan.
Letîf Fatîh Ferec: Bê piştevaniyê Tirkiye nikare xwe ber PKK’ê bigire
Nivîskar Letîf Fatîh Ferec jî derbarê dagirkeriya dewleta Tirk a ser Başûrê Kurdistanê axivî.
Letîf Fatîh Ferec bê helwestiya hikumet û parlamentoyê ya hemberî dagirkeriya Tirk şermezar kir û got:
“Parlamento û Hikumeta Başûr dibin hîmaya hinek partiyên siyasî de ye, ew partî jî dibin ya Tirkiyê de ne.
Ger piştevaniyek ji bo Tirkiyê nebe, Tirkiye nikare xwe li ber berxwedana PKK’ê bigire.
Nivîskar Letîf Fatîh Ferec bang li rêxistinên navnetewî kir ku dijî dagirkeriyê Tirkiyê li herêmê bêdeng nemînin.
Parlemanterên Iraqê: Divê hikûmet komisyonekî ji bo lêkolînkirina çekên kimyayî ava bike
Parlemanterê Iraqê yê Hevpeymaniya El-Fetih Mihemed Kerîm sûc û kiryarên dewleta Tirk a ku li beramberî gerîlayan çekên qedexekirî bi kar tîne şermezar kirin.
Mihemed Kerîm diyar kir ku Tirkiye dest ji van êrîşên xwe yên leşkerî ku bi zanebûn li dijî Başûr dide kirin, bernade ku ji bo xewna xwe ya Osmaniyan li Iraq û Sûriyê zindî bike, hemû çekên qedexekirî bikar tîne.
Kerîm got;
“Hikûmetên Bexda û Hewlêrê li hemberî vê dagirkeriya Tirk a faşist berpirsyar in.
Helwestên lawaz ku ji aliyê herdu hikûmetan ve derdikevin hişt ku Tirkiyê destdirêjiya xwe ser axa Başûr zêde bike.”
Girêdayî biryara lidarxistina rûniştineke awarte ya parlemana Iraqê derbarê destdirêjiya Tirkiyê di Iraqê de Kerîm da zanîn ku ti rûniştin pêk nayên ji ber ku aliyên siyasî ku berjewendiyên wan bi Enqereyê re hene, bi hemû hêza xwe zextê dikin da ku ev rûniştina awarte pêk neyê.
Endamê Komîsyona Mafên Mirovan a Iraqê Elî El-Beyatî jî li dijî bikaranîna çekên qedexekirî ku dewleta Tirk bi kar tîne nerazîbûna xwe nîşan da.
Elî El-Beyatî got ku Tirkiye hê jî di binpêkirina pîvanên navnetewî de berdewam e û destdirêjiya siyasî di Başûrê Kurdistanê de dike.
El-Beyatî bang li hikûmeta Iraqê kir ku komisyonek ji bo lêkolînkirina çekên kimyayî yên ku dewleta Tirk bi kar aniye ava bike.
