Li bajarê Reqayê Kongreya Damezrandina Kombûna Jinên Zenûbiya bi beşdariya bi dehan jinan hat li darxistin. Jinên ku beşdarî kongreyê bûn diyar kirin ev xebat ji kombûna hemû jinan û pêşxistina îradeya jina azad e.
Kongreya hevgirtina jinên Zenûbya îro li hola El-Tac a bajarê Reqayê hat lidarxistin.
Kongir bi beşdarbûna 150 nûnerên hêzên siyasî û leşkerî li Bakur û Rojhilatê Sûriyê pêh hat.
Hevserok, Rêveber, sekretêr, nûner, fermandar û kesayetên jin ji herêmên Tebqa, Reqa û Dêrazor beşdarî kongreyê bûne.
Endama komîteya amadekar a kongreyê Sîham Hemo axaftina destpêkê kir.
Paşê bi navê komîteya amadekar Ihtîmad El-Ehmed û bi navê jinên Tebqa, Reqa û Dêrazorê Meryem Îbrahîm axivîn û gotin:
Li gorî xebatên salên borî rêxistineke nû hate ragihandin û ew jî ji bo yekitiya îradeya jin û gihaştina wê ji hemû aliyan re ye.
Ev kombûna me isbat dike ku jin pêşenge di civakê de. Îro piştî 4 salan ji rizgarkirina van herêman em dikarin bêjin ku zayîneke nû ji jinên azad re ye.
”Ev kongir ji bo kombûna jinan û pêşxistina îradeya jina azad e”
Her weha li ser armanca lidarxistina Kombûna Jinên Zenûbiya kesên beşdar diyar kirin ku ev xebat ji kombûna hemû jinan û pêşxistina îradeya jina azad e.
