Fermandara Biryargeha Navendî ya YJA Starê Hêzil Ozgur derbarê êrîşên dagirkeriyê yên li ser başûrê Kurdistanê de diyar kir artêşa Tirk nikare xwe li ber berxwedana gerîla bigire.
Ozgur da zanîn bêyî tekkînê leşkerên Tirk nikarin tevbigerin û got, “Em gerîlayên PKK’ê baweriya me bi azadiyê heye û em biryardar in. Ya ku dijmin qels dike ev bawerî û îrade ye”
Fermandara Biryargeha Navendî ya YJA Starê Hêzil Ozgur derbarê êrîşên dagirkeriyê yên dewleta Tirk nirxandin kir.
Hêzil Ozgur diyar kir ku hêzên gêrila li dijî êrîşên dagirker berxwedaniyeke mezin dan û hîna jî didin.
Fermandara YJA Starê Hêzil Ozgur: Heya dawiyê hevalên me li berxwedan
Hêzil Ozgur destnîşan kir ku dewleta Tirk hemû derfetên xwe bi kar anî û êrîş anî ser wan û wiha domand:
Helbet hevalên me ji bo me xetek e, felsefe û îdeolojî ye. Êrişên pir dijwar li ser partî û Rêbertiya me ye. Emê heya dawiyê mewziyê xwe bi parêzin. Beriya ku bi çekên kimyewî hevalên me şehîd bixistina nedikarîn bigotan, ’em operasyonên serkeftî dikin’ Rastiya dijmin ev e.
Fermandara YJA Starê Hêzil Ozgur: Baweriya me bi azadiyê heya, ya ku dijmin qels dike jî ev baweriye
fermandara Biryargeha Navendî ya YJA Starê Hêzil Ozgur herî dawî got:
Di vî şerî de ti leşkerek tine ku li pêşberî vîna PKK’ê bisekine. Yên ku şer dikin ne leşkerên artêşa Tirk, teknîka wan e. Baweriya me bi azadiyê heye û em biryardar in. Ya ku dijmin jî qels dike ev bawerî û vîn e. Berxwedana hevalên me, ji bo me bang e. Ev banga serfiraziyê ye.
Devrîm Hejar: Di vî şerî de wê gerîla bi ser bikevin
Fermandara YJA Starê Devrîm Hejar jî ku di nav Pêngava Şoreşger a Cenga Xabûrê de cih digire, diyar kir ku li gel hemû derfetên artêşê jî heq ji gerîla dernakeve û di vî şerî de serkeftî wê gerîla bin.
Devrîm Hejar got:
Vîneke qeyîm a gerîla heye ku naşike. Îdeolojiya Rêbertî nayê şikandin .
Dema êrîşên giran ên hewayî tînin ez tirsa dijmin zêdetir dibînim.
Di van operasyonan de leşkerekî wêrek dernekete pêşberî me.
Dijmin dibêje ew ê di du mehan de encamê bistîne lê gerîla wê diyar bike bê ka ev şer wê çi qasî bidome.
