Bi vekişîna hêzên NATO û DYA ji Efxanîstanê, dewleta Tirk dixwaze hebûna xwe ya li herêmê biparêze.
Tirkiye daxwaza mayîna li Balefirgeha Kabilê dike, Talîban vê yekê bi tundî red dike.
Berdevkê Talîbanê got:
Yekîneyên Tirkiye jî li gorî peymana 2020’an divê ji Efxanistanê derkeve.
Wezareta Parastinê ya DYA (Pentagon) jî careke din diyar kir ku ewê piştgiriya xwe ya hewayî bi hêzên Efganistanê re bidomînin.
Piştî şerekî dijwar yê nêzî 20 salan Dewletên Yekbûyî yên Amerîka (DYA) û NATO dest bi vekişîna ji Efxanistanê kirin.
Vekişîna ku 1’ê Gulanê despê kirî wê 11’ê Îlonê bidawî bibe.
Lê tevî vekişîna hêzên NATO û DYA, dewleta Tirk çav berdaye herêmê û weke herêmên din yên dagirkiriye naxwaze ji Efxanistanê derbikeve.
Bi rêya peyaman Berdevkê Talîban Suhaîl Şaheen bersiva pirsên ajanasa Reutersê da.
Li ser pirsa gelo Talîbanê pêşniyara Tirkiyê ku ji bo mayîna li Balefirgeha Kabûlê red kir an na?
Shaheen wiha got:
“Tirkiye ev 20 sal in weke parçeyeke NATO li herêmê ye.
Li gorî peyaman 29’ê Sibata 2020’an divê Tirkiye jî hêzên xwe ji herêmê vekişîne.
Em hêvî dikin ku di paşerojê de hikumetek nû ya Îslamî li vir were damezrandin hêvî dikin ku bi wan re wê têkliyek baş ava bikin.”
Serokê DYA Joe Biden 14’ê Nîsanê ragihand ku vekişîn wê salvegera 20. a êrîşên el-Qaîde ku 11’ê Îlona 2001 de were temam kirin.
Di demeke ku hevalbendên NATO û DYA hêzên xwe ji herêmê dikişînin, li nava çepemeniyê nûçeyên daxwaza mayîna Tirkiyê li herêmê bû cihê pirs û fikaran.
Wezîrê Karên Derve yê Tirkiye Hulusî Akar di daxuyaniya xwe ya 8’ê Hezîranê kirî de daxwaza welatê xwe ya mahîna li herêmê bi eşkereyî anîbû ziman.
Akar anîbû ziman ku bi piştevaniya siyasî, madî û lojîstîk ew dixwazin li herêmê bimênin.
Weke cihê mayînê jî Balefirgeha Navnetewî ya Hemîd Karzaî ya li paytexta Efxanistan Kabûlê destnîşan kiribû.
Tirkiye dibêje ew hîna li benda bersiveke li ser daxwaza xwe ne.
Berdevkê Wezareta Parastinê (Pentagon) a DYA John Kirby jî piştrast kiribû ku 9’ê Hezîranê civînek pêk hatiye.
Pentagon dixwaze piştî vekişîna ji Efxansitanê di êrîşên asmanî yên li dijî Talibanê bidomîne.
NATO jî teqez dike, tevî ku wê hêzên xwe ji Efxanistanê vekişînin, lê wê bi domdarî li ser perwerdekirina leşkerên Efxanistanê alîkar bin.
