Piştî ku 180 pêşmergeyan li ber şerê nava Kurdan rabûn û dest ji çekê berdan, PDK ji bo pêşî li hewldaneke bi vî rengî bigire, gefa ‘birîna mûçeyan’ dixwe.
Piştî provokasyona PDK’ê ya beriya du hefteyan a li Metînayê, nerazîbûna li Başûrê Kurdistanê mezin dibe.
Pêşmergeyên Dêrîn û gelek pêşmerge û fermandarên pêşmergeyan ên li Wezareta Pêşmergeyan nerazîbûn nîşanî vê provokasyonê dan.
180 pêşmergeyan di nava hefteyê de ji bo nîşan bidin ku ew li dijî şerekî gengaz ê PDK’ê ye, li Duhokê li kampa perwedeya pêşmergeyan dest ji çekê berdan.
Li gorî agahiyan, gelek pêşmergeyên din jî dixwazin dest ji çekê berdin û helwesteke wiha nîşan bidin.
Lê belê hin ji fermandarên PDK’ê ku ji ber belavbûna vê meylê ketine nava fikaran, ji bo pêşmergeyên dest ji çekê berdane vegerînin gefa birîna mûçeyan li wan xwarin.
Hin ji fermandarên pêşmergeyan jî yên li nava PDK’ê nîşandana helwesta li dijî şerekî navxweyî weke “xiyanetê” li pêşmergeyan ferz dikin.
