Rûspiyên eşîrên Kurd bang li PDK’ê kirin ku nekeve bin bandora dagirkeriyê û ji bo yekitiya Kurdan bixebite.
Her wiha rûspiyan bi yek dengî bang li gelê kurd jî kirin da ku hêzên xwe bikin yek û berê guleyên xwe bidin dijminê xwe yê sereke.
Rûspiyên eşîrên Kurd yên Rojava têkildarî êrîşên dewleta Tirk ên li ser başûrê Kurdistanê û hevkariya PDK’ê axivîn.
Yek ji wan Rûspiyên eşîra Umerî, Mihemed Tahir got:
“Dewleta Tirk a dagirker nêzî du mehan bi çekên giran, balafir û çekên qedexekirî, êrişî gêrîla dike.
Lê berxwedana gêrîla li dijî van êrîşan her berdewam e, li beramberî vê berxwedanê dewleta Tirk di nava tengasiyeke mezin deye.
Ji ber vê yekê niha jî xwe davêje hêzên PDK’ê û pêştgiryê ji wan dixwaze ku wan ji vê rewşa xerab derbixe.
Divê PDK dewsa alîkariya Tirkiyê bike divê li gel birayê xwe be.”
Umer Mihemed diyar kir ku ger dewleta Tirk PKK’ê têk bibe, armanca wiya dûyemîn jî têkbirina hebûna Başûrê Kurdistanê ye û wiha domand:
“PDK dewsa êrîşê PKK’ê bike divê berê guleyên xwe bide dijminên xwe yê sereke dewleta Tirk.
Di heman mijarê de yek ji Rûspiyên eşîra Barafî, Hesen Tiyo jî ev nirxandin kir û wiha pê de çû:
“Gelê Kurd di dirêjahiya dîrokê de rastî gelek komkujiyan hatiye.
Îro em dibînin ku hin alî hewl didin fitneyê di navbera hêzên Kurdan de derxînin.
Mînaka ber çav dewleta Tirk ku li her deverên Kurdistanê dagirdike, ne tenê gêrîla re şer dike, ji ber vê yekê divê em hişiyar bin.
Em wek rûspiyên eşîran, şerê Kurdan ku dibe sedema tunekirina gelê Kurd, red dikin.”
Di dawiyê de Rûspiyan diyar kirin ku ew li dijî şerê Kurd-Kurdan re ye û bang li PDK’ê kirin ku nekeve bin bandora dagirkeriyê û ji bo yekitiya Kurdan bixebite.
