Fermandarê QSD’ê Mazlum Ebdî bi rêya rojnameya Waşîngton Postê nivîsê.
Ebdî di vê gotara xwe de behsa êrişên dagirkeriya Tirk ji civaka Amerîka û cîhanê re kir.
Sala 2014’an cîhan bajarê min Kobanê û gelê min, Kurdên Sûrî nas kir.
Wê salê me li gel Amerîka û Koalîsyona Navneteweyî darbeya pêşî ya giran li DAIŞ’ê da.
Û weke encama vê hevkariya me sala 2019’an dawî li xîlafeta DAIŞ’ê hat.
Îro Kobanê dîsa bi gefa êrişê re rû bi rû ye.
Lê vê carê xwediyê gefê ne DAIŞ e. Ê gefê dixwe hevalbendê Amerîka û endamê NATO ye.
Hukûmeta Erdogan tevahiya hefteyekê bajarên me bombardiman kirin. Sivîlên me hatin kuştin.
Binesaziya me wêran bû.
Şervanên QSD’ê yên şerê DAIŞ’ê dikin bûn armanc.
Sala 2015’an bi hevgirtina Kurd, Ereb û Asûrî me Hêzên Sûriya Demokratîk ava kir.
Gelê me bi tevlîbûna hemû netew û baweriyan li her bajarî rêveberiyên xwe saz kir.
Li her qadê wekheviya jin û mêr serdest bû.
Me ev gav hemû di bin siya ambargo û şerekî giran de avêtin.
Bê goman eger serkeftina li Kobanê nebana, wê yek ji van gavan jî nehatana avêtin.
Niha êrişên dewleta Tirk, ji bo van destketiyên me metirsî ye.
Dêrik bajarekî nêzî sînor e. Kurd, Êzdî û Xirstiyan tê de bi hev re dijîn. Li vî bajarî ji ber êrişa Tirk 10 sivîlên me hatin kuştin.
Li Hesekê navendeke me û hêzên Amerîka a hevbeş bû armanca lêdanê.
Û hê jî Erdogan bi israr dixwaze li dijî herêma me êrişeke bejahî pêk bîne.
Ji herdû êrişên beriya niha, em baş dizanin ku wê encama êrişek nû çawa be.
Ji Efrîn, Serêkaniyê û Girê Spî bi sed hezaran mirov ji cih û warên xwe bûn.
Şerê li dijî DAIŞ’ê hat rawestandin.
Dawî li aramiyê hat.
Êriş li dijî jinan û komên baweriyan zêde bûn.
Deverên di bin dagirkeriya Tirkiyê de bûn meskenê lîderên DAIŞ’ê.
Erdogan hêzên me ji teqîna li Stenbolê berpirsiyar nîşan da.
Careke din ez din dibêjim, tê pêwendiya me pê re tine ye.
Em bang û daxwaz dikin ku komîsyoneke lêkolînê were avakirin.
Em ji ti alî naxwazin ku ji bo me şer bikin. Mîna carên berê, gelê min hê liberxwe dide û em ê niha jî liberxwe bidin.
Tişta em ji cîhanê daxwazin dikin, piştevaniya ji bo pêkanîna aştiyê ye.
