Kombûna jinan a Zenûbiya ya Tebqa û Minbicê têkildarî bilindbûna rêjeya kuştina jinan li herêmên Bakur û Rojhilatê Sûriyê daxuyniyek dan.
Di daxuyniyê de hat gotin, Kuştinên jinan yek ji rêbazên şerên taybet yên ji bo tirsandin û têkbirina vîn û îradeya jinane. Divê aliyê peywendîdar sûcdaran bigirin û cezayên ku heq dikin li wan bibirin.
Li Bakur û Rojhilatê Sûriyê kuştinên jinan zêde dibin.
Vê rewşê tevgerên jin dixe nava fikaran.
Kombûna jinan a Zenûbiya ya Tebqayê têkildarî zêdebûna rêjeya kuştina jinan daxuyniyek da.
Kombûnê ev bûyer bi tundî şermezarkir û got:
Zêdebûna rêjeya kuştina jinan li herêmên Bakur û Rojhilatê Sûriyê metirsiyeke mezine li ser jiyana jinan .
Ji ber ku di van demên dawî de 4 sûcên kuştina jinan li kantona Cizîr, Qamişlo, Minbic û Reqayê qewimîn û hîn jî lêkolîn li ser wan dewam in.
Ev sûcên hovane yên li dijî jinan, di demekê de ku jin di dîroka têkoşîna xwe de gihîştine qonaxên girîng, zêde dibin.
Ev pêşketin li zora kesên ku hîna di bin bandora zêhniyeta zilamsalar de ne diçe.
Di dawiya daxuyniyê de bang li aliyên peywendîdar hat kirin ku bi awayekî cidî nêzî van mijaran bibin, sûcdaran bigrin û cezayên ku heq dikin bidin wan.
Kombûna Jinan a Zenûbiya ya Minbicê kuştinên jinan şermezar kir
Bi heman armancê Kombûna Jinan a Zenûbiya ya Minbicê daxuyaniyek da û tê de wiha got:
Di van demên dawî de 4 jin li kantonên cuda hatin kuştin.
Ev êrîşeke li dijî îrade û nasanmeya jinê ye.
Zêhniyeta bavksalar dixwaze riya azadiyê li pêşiya jinê bigre.
Kombûna Zenûbiya ya Minbicê diyar kir ku tevî xebat û têkoşîna jinê ya ji bo guhertiina vê zêhniyetê lê hîna jî civak bi temamî azad û zane nebûye û got:
Jin her tim li pêşiya zilm, dagirkerî, kuştin û tundiyê rabû.
Bi şoreşa 19’ê Tîrmehê jî em ev yek bi eşkere dît.
Ji ber vê bi her awayi dixwazin jinê lawaz û bê hêz bihêliin.
Ev yek ji rêbazên şerên taybet yên ji bo tirsandin û têkbirina vîn û îradeya jinane.
Ev sûc ne tenê jinan hedef digre felsefeiya netewa demokratîk hedef digre.
Em bang li jinan dikin ku li hember van êrîşan bêdeng nemînin û bersiveke xurt nîşan bidin.
Jina bi navê Barîn Ehmed bertek nîşanî sûcên kuştina jinan da û got:
