Şandeya KNK’ê bi Yekîtiya Jinên Kurdistanê re civiya û rola jinan di pêkanîna yekîtiya netewî de guftugo kir.
Li Başûrê Kurdistanê ji bo yekîtiya netewî û lidarxistina kongreya netewî serdanên şandeya Kongreya Netewî ya Kurdistanê-KNK berdewam dikin.
Bi vê armancê şandeya KNK’ê li Silêmanî çû serdana ofîsa Yekîtiya Jinên Kurdistan.
Cîgira hevserokatiya KNK’ê Şehal Xefîd piştî serdanê daxuyanî da çapemeniyê û weha got:
“Ji bo hêz û hebûna xwe bikin yek û kongreya netewî pêk were, guftugoyên me yên bi rêxistinên jinan re berdewam in.
Biryara me her du aliyan ew e ku em ji bo lidarxistina kongreya netewî kar bikin.”
Sekretera Yekîtiya Jinan Kinêr Abdullah jî da zanîn ku xebata ji bo yekîtiya netewî ya Kurdistanê, xebatek daxwaza hemû Kurd û rêxistinan e û bi şandeya KNK’ê re xebatên hevbeş ku divê bikin guftugo kirine.
