Rêveberiya Xweser hejmara girtiyên ku ji Efûyê sûd girtine eşkere kir.
Meclisa Dadweriya Civakî diyar kir ku hezar û 520 girtî ji Efûyê sûd girtine.
Ji wan hezar û 120 kes hatine berdan û yên jî heta ku nîvê cezayê xwe biqedînin wê werin berdan.
Beriya demekê Rêveberiya Xweser biryara Efûyeke giştî dabû.
Li ser wî esasî bi sedan girtî hatin berdan.
Di biryara efûyê de hezar û 520 girtî sûd girtine
Meclisa Dadweriya Civakî ya Rêveberiya Xwesera Demokratîk a bakur û rojhilatê Sûriyê der barê biryar Efûya giştî daxuyaniyek da.
Meclisê eşkere ku di vê biryarê de hezar û 520 girtî jê sûd wergirtin.
Heta niha ji wan hezar û 120 girtî li ser çend beşan hatine berdan.
400 girtiyên din piştî qedandina nîvê cezayên xwe wê werin berdan
Meclisê îşaret bi wê yekê kir ku hîn jî 400 girtî nehatine berdan û got:
“Heta ku ew girtî nîvê cezaya xwe bike wê werin berdan.”
Meclisê diyar kir ku hejmara jinên girtî ên ji efûyê sûd wergirtin 63 kes bûn û ji wan 35 hatin berdan.
Lîsteya van girtiyên ku di efûyê de sûd wergirtine ji aliyê Dozgeriya Giştî ya Dadgeha Parastina Gel ve hatiye şopandin.
Biryara efûyê kujer, xayîn û sîxûran nagire nava xwe
Meclisê got:
“Her girtiyek ku nîvê cezayê xwe derbas kiriye û sûcê wî di çarçoveya qanûna efûyê de hatiye girtin, piştî misogerkirina serastkirina wî di dema cezayê xwe de ketiye nava efûyê.”
Meclisê diyar kir ku biryara efûyê hemû girtiyên ku sûcên wan li dijî Hêzên Sûriya Demokratîk QSD’ê şer kirine û yên ku bûne sedema kuştina kesan an jî sûcên teqemeniyan, xayîn û sîxurî nagire nava xwe
Di vê çarçoveyê de hat gotin:
“Tenê yên ku destên wan bi xwînê nebûne hatin efûkirin.”
Herî dawî Meclisê diyar kir ku ev qanûn ji aliyê Dadgeha Parastina Gel ve di dozên ku ji aliyê dadgehê ve tên darizandin de tê sepandin û efûya hin girtiyan jî piştî nîvê cezayê ku hatiye birîn dê bên berdan.
