Li dijî êrîşên dewleta Tirk a dagirker yên li ser Başûrê Kurdistanê, li herêma Raperînê ya başûr ciwanên welatparêz kampanyaya “Têkoşîna Dijî Dagirkeriyê” ragihand.
Bertekên li başûrê Kurdistanê yên li dijî êrîşên dagirkeriyê dewam dikin.
Li bajarokê Çarqurne yê girêdayî Raperînê, Komeleya Ciwanên Welatparêzên Kurdistanê kampanyaya “Têkoşîna Dijî Dagirkeriya li ser Başûrê Kurdistanê” ragihand.
Ciwanan bang li aliyên siyasî kir ku bi hev re yekîtiya xwe ava bikin û li ber êrîşan rabin.
Beriya du rojan jî, Komeleya Ciwanên Welatparêz li bajaroka Hacîawa ya Ranyayê di çarçoveya kampanyaya “Werin Cenga Azadiyê” ku dijî dagirkeriya Tirk ragihandine, li bajaroka Hacîawa Konê Berxwedanê vedabû.
Ciwanên Welatparêz bang li hikûmeta Başûrê kiribû ku dijî dagirkeriyê helwestê nîşan bidin û gelê Kurd biparêzin.
