Meclisa Jinan a PYD`ê îro Qamişlo li dijî êrîş û kuştina jinan civînek li dar xist. Kesên di civînê de axivîn û diyar kirin ji bo avakirina jiyana azad divê nirxandinên Rêber Apo esas bên girtin û got divê jin li dijî êrîşan bê çare nemînin. Hat gotin ku divê pêşî li sûcên li dijî jinan bên girtin.
Meclisa Jinan a PYD’ê îro, bi dirûşma “Li dijî cinayeta li hemberî zayenda jinê tê kirin bisekinin” komxebatek li dar xist.
Komxebata têkoşîna li dijî sûcên kuştina jinan li hola Zana ya bajarê Qamişli pêk hat.
Endamên Partiya Yekitiya Demokratîk PYD’ê, endamên saziyên jinan, nûnerên saziyên sivîl, olî û ciwan, siyasetmedar û rewşenbîr tevlî komxebatê bûn.
Foza Yusif: Gelek şerm e jin were kuştin û jin li hemberî vê yekê bê çare bin
Endama Desteya Hevserokatiya Partiya Yekitiya Demokratîk (PYD) Foza Yusif di komxebatê de axivî.
Foza destnîşan kir ku gelek şerm e jin were kuştin û ew jî li hemberî vê yekê bê çare bin.
Kesayetên siyasî, saziyên jinan beşeke bingehîn a vê pirsgirêkê ne.
Heysem Xelîl: Di bin navê ol de jin têne kuştin ev yek ne rast e
Komxebat ji du beşan pêk tê, ya yekê têkildarî tundiya li dijî jinan ku bi navê ol û civakê tê kirin e.
Ev beş ji aliyê serokê saziya olî ya Dirbêsiyê Heysem Ferhan Xelîl, endama rêveber a Nivîsgeha Jinan a Til Temirê û endama Kongreya Islama Demokratîk Gulnaz Mihemed Osman hat bi rêve birin.
Divê pêşî li sûcên kuştinan jinan bê girtin
Di beşa duyemîn de jî ku têkildarî aliyê qanûnî yên sûcên li dijî jinan parêzer Luqman Îbrahîm û Atiye Yusif birêve çû.
Li gorî berpirsên komxebatê, armanca wan pêşiya sûcên kuştinê yên li dijî jinan tên kirin, were girtin û ji aliyê qanûnî ve çareseriyekê jê re bibînin.
Di encamnameya civînê de hat xwestin hevrêzî di navbera hemû beşên civakê, saziyên olî, tevgerên jinan û saziyên civaka sivîl bê kirin da ku tundiya ku li ser jinê ku bi navê ol tê meşandin, rawestînin.
Her wiha hat gotin rola ragihandinê di piştgirîdayîna mafên jinê bê çalakirin û cezayên pir giran dijî sûcdarên ku di bi navê namûsê sûcan dijî jinan pêk tînin, werin birîn.
