Vê dawîyê ji bo çekên parastina asmanî nakokiyên di navbera Amerîka û dewleta Tirk de zêde bûn. Tirkiye dizane ew nikare balafirên F-35 bi dest bixe, lê her xwe dide qanikirin ku wê, berdêlek jê re dîtiye.
Wezîrê Karê Derve yê Tirkiyê Mewlût Çavuşoglu teqez kir ku welatê wî ji berdêlên balafirên F-35 ên Amerîkî re amade ye.
Mewlût Çavuşoglu got, em S-400 dikirin ji ber em hewcedarî sîstemeke parastina asmanî ne.
Lê em hevkarên projeya bernameya çêkirina F-35 in.
Çavuşoglu îdia kir ku di dema heyî de ev proje ti pirsgirêgên xwe tune ye.
Lê eger sînaryoya herî kambax pêk were, em ê neçar bimînin berdêlekî bibînin.
Ji ber teknînkên ji F-35 çêtir ji me re hatin pêşkêşkirin.
Berî demekê rayedarên Tirkiyê gotibûn eger Amerîka balafirên xwe neda wan, ew ê Su-57 a Rûsî weke berdêl bikirin.
Li aliyekî din, serokê dezgeha hikumî ya hinardina çekan a Rûsî ألكسندر ميخييف ragihand ku di Tîrmehê de wê hejmarek sîstema S-400 radestî Tirkiyê bibe.
Lê berî niha Tirkiyê weke gefekê li Amerîkayê xwaribû û got:
Belkî em berî Tîrmehê fûzeyên S400 werbigirin.
Mêxêyîv got:
Mosko û Enqere li ser veguhestina beşekî berhemdayîna van sîsteman ku li ser xaka Tirkiyê çêbibin, li hev kiriye.
Modko diyar kir ku wan her tişt giftûgo kiriye û ji bo pêkanîna peymanan dixebitin.
Berî niha Tirkiyê 4 desteyên S400 bi buhayê 2,5 milyar dolar kiriye.
Amerîka û dewletên NATO’yê jî Enqere ji bo kirîna fûzeyên S-400 ên Rûsî hişyar dike û gefa pêkanîna cezayên nû li ser dixwe.
Tirkiye jî her û her dibêje lihevkirina me bi Rûsyayê re mijareke qedyayî ye û em jê venakişin.
Bi vê yekê eger Amerîka rê li ber kirîna van sîsteman bigire, êdî abora Tirkiyê bi temamî têk diçe.
Li gorî çavdêran jî ev yek nîşaneya derketina dewleta tirk ji NATO yê dide xuyakirin.
