Dewleta Tirk ya dagirker ji bo ku êrişî bakur û rojhilatê Sûriyê bike, li pey hincetên nûye.
Dewleta Tirk her carê jî bi nûçe û propagandayên derew îdia dike ku hêzên QSD’ê li herêmên dagirkirî êrişan li dijî wan pêk tînin.
QSD`ê îdiayên dewleta Tirk derewand û diyar kir ku dewleta Tirk ji bo ku dest bi êrîşên nû bike li hêcetan digere.
Dewleta Tirk van çend rojên dawî de gefan li herêmê dixwe û amadekariyên êrişekê nû dike.
Ji bo van êrîşên xwe rewa nîşan bide li pey derew û hincetan e.
Beriya çend rojan dewleta Tirk idîa kiribû ku hêzên YPG’ê êrîş birin ser herêmên dagirkirî û 2 leşkerên wan kuştin, her wiha teqînên ku di rojên dawî de li herêmên dagirkirî rû didin dixe stuyê YPG’ê.
Bi van idîayan dixwaze hicetan ji êrişên xwe re çêke.
Navenda Ragihandin û Çapemeniya QSD’ê der barê idîayan dewleta Tirk de li ser malpera xweya fermî dauxyaniyek bi raya giştî re parve kir.
QSD’ê diyar kir ku artêşa Tirk a dagirker rojane bi çekên giran êrişî deverên derdora herêmên dagirkirî dike û sivîlan dike armanc.
QSD’ê wiha got:
“Dewleta Tirk ji bo êrişên xwe rewa nîşan bide agahiyên derew diweşîne û nûçeyên wekî ku hêzên me li wan herêman êriş birine ser wan, belav dike. Me berê jî gelek caran daye diyarkirin ku li herêmên ku di wan nûçeyan de tên behskirin, tu tevgerên hêzên me tune ye. Ev nûçe ji bo rewakirina êrişên dagirker tên belavkirin.”
QSD’ê diyar kir ku dewleta tirk tenê di meha Îlonê de, 1067 obîs û hawan dijî herêmê bi kar anîn, û di encama wan êrîşan de 5 welatiyên sivîl jiyana xwe ji dest da, 6 welatî jî birîndar bûn.
QSD’ê da zanîn ku Dewleta Tirk ji bo ku rastiya desthilatdariya xwe ya qirêj binixûmîne, di rojên dawî de amûrên şerê taybet bi kar tîne û rastiyan berevajî dike.
QSD’ê di dawiyê de bang li raya giştî û di serî de gelê Tirkiyê kir ku rastiya van derewan nas bikin û li hember lîstokên wiha hişyar bin.
