Li welatê herî mezin yê parzemîna Afrîka, metirsiya çeteyên Boko Haramê ji 2000’î ve xwe nîşan daye.
Çeteyên ku ji 2009’an ve êdî bi êrişên xwe yên terorî navê xwe da bihistin, gelek malbat dane giryandin.
Di nava 12 salan de, ji ber êrişên van çeteyan bêtirî 20 hezar kes winda bûne.
Komîteya Xaça Sor a Navneteweyî (ICRC) ragihand ku pevçûnên li bakur-rojhilat ji ya diyat texmînkirin metirsîdartir e.
Li Nîjerya metirsiya çeteyên Boko Heram, li seranserî welat tê heye.
Li welat kuştin, revandin û xesipkirin, bûye nasnavê van çeteyan.
Berpirsê Qada Komîteya Xaça Sor a Navneteweyî (ICRC) yê Maiduguri, Usman Kunduli Bukar di daxuyaniyekê de ragihand ku di êrîşên terorîstî yên ku 12 sal in li bakurê rojhilatê Nîjeryayê dewam dikin de bi hezaran kesan jiyana xwe ji dest dane.
Bukar anî ziman ku ji ber şer û pevçûnên tund yên di nava vê demê de li herêmê rûdayîn, navê bêtirî 20 hezar kesên winda tomar kirine.
Bukar diyar kir ku jinên li herêmê ji ber bêriya zarokên xwe dikin bi depresyonê re rû bi rû dimînin û wiha got:
“Pevçûnên li Bakurêrojhilat ji ya ku me dihesiband metirsîdartir e.
Bi hezaran ji wan bav, kur û zarokên xwe winda kirin.
Hîn gelek malbat li xizmên xwe digerin.
Bukar daxuyakirin ku heta roja îro, rêxistinê têkiliya bi malbatan re domandiye û gelek malbat jî gihandine hev.
Çeteyên Boko Heram ji 2000’î ve hebûna xwe li Nîjerya ragihandiye.
Ev rêxistina terorê ji 2009’an heta niha bûye sedema kuştin bêtirî 20 hezar kesî.
Rêxistinê ji sala 2015’an ve li cîranên sînor ên welêt Kamerûn, Çad û Nîjerê jî êrîşan pêk tîne.
Di êrîşên rêxistinê yên li Hewzeya Gola Çadê de herî kêm 2 hezar kesan jiyana xwe ji dest dan.
Berdevkê berê yê Boko Haram Ebû Musab el-Barnawî di sala 2016’an de wek serokê nû yê rêxistinê hatibû ragihandin.
Ev rewş bû sedema nîqaş û dubendî ya navbera Ebubekir Şekau û Barnawî yên ji 2009’an ve rêxistinê birêve dibin.
