Serokwezîrê Kanadayê Justin Trudeau Jin ji bo wezîrên parastin û karên derve erkdar kir

Di nava hikumeta nû ya Kanadayê de jin li refên herî pêş e.
Serokwezîrê Kanadayê Justin Trudeau di kabîneya bi hevsengiya zayendî de jin ji bo wezîfeyên wezaretên karên derve û parastinê erkdar kir.
Bivê yekê re, guhertineke mezin li nava desteya wezîran çêkir.

Trudeau Melanie Joly kir Wezîra Karên Derve û Anita Anand jî kir Wezîra Parastinê.

Chrystia Freeland jî ku li şûna Trudeau weke favorî tê nîşandan Alîkara Serokwezîr û Wezîra Maliyeyê ye.

Hikumeta Lîberal a Trudeau ji 2015’an dema hilbijartinê ve, nîvê desteya wê ji jinan pêk tê.

Joly a 42 salî beriya niha Wezîra Pêşvebirina Aboriyê bû û beriya wê jî weke wezîra mîrasê wezîfe kiribû.

Anand a 54 salî jî jin a duyemîn e ku dibe Wezîra Parastinê ye.

Trudeau aktîvîst Steven Guilbeault jî tevlî portfoyuna hawirdorê kir.

Lîberal li parlamentê xwedî 159 kursiyan e:

Li gorî destûra bingehîn ya welat ji bo guhertina qanûnan pêwistî bi dengê 170 parlamenterî heye.

Ev yek jî Trudeau neçar dike li gel partiyeke mixalîf koalîsyonê ava bike.

Back to top button