Di navbera Îsraîl û Filistînê de, careke din alozî gur dibe.
Hikumeta Îsraîlê dest ji planên xwe yên berfirehkirina li herêma Şerîa ya Rojava bernade.
Îsraîl ji plana xwe ya 3 hezar avahî li herêmê çê bike de, biryara 1804 avahiyan erê kir.
Yên mayîn ji bo dema bê, bipaşde xist.
Ev biryar tevî hişyariyên DYA û YE hate dayîn.
Çapemeniya Îsraîlê jî balkişand li ser wêyekê ku ev pêngav wê hikumeta welat ya ji nijadperest û dijberên şer jî bêne pêşberî hev.
Hikumeta Îsraîlî du meh berê nêzîkî 3000 projeyên xaniyan ji bo nişteciyên cihû yên li Şerîeya Rojava ya dagirkirî pêşkêş kiribûn.
Lê ev proje ji aliyê Rêveberiya Sivîl ve hatibû rawestandin.
Derbarê projeya ku rastî berteka Filistîniyan û rêveberiya Serokê Amerîkayê Joe Biden hat, Berdevkê Wezareta Derve ya Amerîkayê Ned Price ragihand ku ew ji ber planên avakirina wargehên nû bi fikar in.
Piştî daxuyaniyên dawî îro erêkirina dawî ya projeya xaniyan ji aliyê hikûmeta Îsraîlê ve hat.
Di daxuyaniya Lijneya Plansaziya Bilind a Wezareta Parastinê ya Îsraîlê da hat destnîşankirin ku li Şerîeya Rojava ji bo niştecihên cihûyan 1804 xaniyan erêkirina dawî hat dayîn û hezar û 326 xaniyên din jî derbasî qonaxa pêvajoya plansaziyê bûye.
Çapemeniya Îsraîl: Biryar dibe ku bibe sedema pevçûn zêde bibe
Piştî erêkirina avakirina xaniyên nû, di nûçeyên di çapemeniya Îsraîlê de hat ragihandin ku ev biryar wê bibe sedema zêdebûna rageşiya bi DYA û Ewropayê re.
Her wiha Filistînî wê bertek nîşanî vê rewşê bidin û Îsraîl wê koalîsyona hikûmetê ya nazik ku ji neteweperest, navendî û partiyên ku li dijî niştecihbûnê ne biceribîne.
Di daxuyaniya Partiya Karker a Îsraîlê ya li ser medyaya civakî hatî weşandin de biryar bi “bêberpirsiyarî” hat binavkirin.
Amerîka: Em li dijî berfirehkirina niştecihanin
Ji aliyê din ve, Berdevkê Wezareta Karên Derve ya Amerîkayê Ned Price duh di civîneke çapemeniyê de got,
Ew ji planên Îsraîlê yên ji bo avakirina wargehên nû, di nav de li Şerîa Rojava, bifikarin.
Price anî ziman ku ew bi tundî li dijî berfirehkirina niştecihanin û ew piştevaniya çareseriya dudewletê dikin.
