Jiyana şêniyên li herêmên dagirkirî ji ber kirinên çeteyan zehmet û tarî bûye.. Ji bilî êrşên rojane li ser herêmê, sûc û binpêkirinên dagirkeran li herêmên dagirkirî jî bênavber ranawestin.. Herî dawî çeteyên Tirkiyê ji Girê Spî ya dagirkirî 3 jin revandin.
Ajansa nûçeyan a Hawarê ragihand çeteyên dewleta Tirk ji pêşiya klinîka bijîşk Rakan ya li navçeya Silûk a dagikirî 3 jin revandin.
Ji her sê jinan tenê navê yekê hat naskirin ew jî Seher Mihemed El-Xelûf ya ji eşîra El-Miradat e.
Li Efrînê çeteyan ji Racoyê 9 kes revandin
Ne tenê li Girê Spî, li Efrînê jî heman kirin û revandin rojane tên kirin.
Doh, çeteyan ji gundê Mamila yê Racoyê 9 sivîl revandin û navên wan wiha ne,
Ehmed Faris, Qadir Faris, Ehmed Îbrahîm, Xelîl Osman, Selah Osman, Necîb Kurdî, Mihemed Beko, Subhî Omer û Şukrî Omer.
Hat ragihandin çeteyan ji bo serbestberdanan her yekî ji wan, pere ji malbatên wan xwestine.