Ev demek e liv û tevgera DAIŞ’ê li Iraq û Sûriyê0 zêde bûye û dixwaze xwe ji nû ve rêxistin bike. Rûspî û serokeşîrên Ereb ên Bakur û Rojhilatê Sûrî destnîşan dikin ku xeteriya DAIŞ’ê hîna heye û bi dawî nebûye. Rûspiyan bang li NY û koalîsyona navnetewî kirin ku dosyaya darizandina çeteyên DAIŞ’ê paşguhnekin, ji ber derengxistina darizandina wan dihêle ku xwe ji nû ve bi rêxistin bikin.
Zêdetirî 19 hezar çeteyên DAIŞ’ê di girtîgehên QSD’ê de ji welêtên cuda girtî ne.
Mabûna wan jî ji bo herêmê mertisiyeke mezin e.
Nexasim bangên Rêveeriya Xweser ji welatên van çeteyan re, tên paşguhkirin.
Rûspiyên êlên ereb têkildarî vê mijarê û metirsiya wê ji ajansa Hawarê re axivîn.
Rûspiyê eşîra El-Beke ya navçeya Holê Ehmed Hisên El-Şilaş da zanîn hîna metirsiya DAIŞ’ê heye û ev got:
“Hîna şaneyên çeteyên DAIŞ’ê li herêmê hene û gelek welatî û kesên ku hewl didin ji fikrên wan ên tundraw dûr bikevin, dibin armanc.
Sedema vê yekê jî derengmayîna darizandina çeteyan ji aliyê hêzên navneteweyî û mayîna malbatên wan di kampên herêmê de ye.”
Hisên El-Şilaş tekez kir divê çeteyên DAIŞ’ê li ser xaka Bakur û Rojhilatê Sûriyê werin darizandin, ji ber ku sûc li vir kirine û divê êdî fikirê wê yê tundrew were têkbirin.
Rûspiyê eşîra El-Fadil; Menaf El-Reca jî diyar kir ku xeteriya DAIŞ”ê heye û berpirsê vegera wê jî NY û ew hêz in ku darizandina DAIŞ’iyan dereng dixin.
El-Reca bal kişand ser bêhelwestiya cîhanê di û xetereya li dijî şêniyên Bakur û Rojhilatê Sûriyê û ev got:
“Zarokên di kampan de êdî ne biçûk in. Ev jî têrê dike ku DAIŞ bi awayekî rêxistinkirî vegere.
Ji ber dayikên wan di wan kampan de, wan li ser fikirê DAIŞ’ê yê tundraw perwerde dikin.”
Rûspiyê eşîra El-Fadil dawiyê bang li NY û Koalîsyona Navneteweyî kir ku guh bidin daxwazên şêniyên herêmê û çeteyên DAIŞ’ê darizînin.
