Hevserokê Giştî yê Partiya Demokratîk a Gelan (HDP) Mîthat Sancar di komcivîna partiya xwe ya li Meclîsê de axivî û mijarên di rojevê de nirxand. Sancar anî ziman ku HDP’ê ji bo pêkanîna aştî û edaletê ji her tiştî re amade ye û got “wê sala 2022 bibe sala serketina me.” Sancar bang li aliyên muxalîfetê kir ku li dora prensîbên bingehîn bibin yek da ku dawî li faşîzmê were anîn.
Hevserokê Giştî yê Partiya Demokratîk a Gelan (HDP) Mîthat Sancar di komcivîna partiya xwe ya li Meclîsê de axivî û mijarên di rojevê de nirxand.
Sancar anî ziman ku ew her roj bi darybeyek nû hişyar dibin û got:
“Ev darbe siyasî dibin, civakî dibin, aborî dibin lê roj nîne ku derbe nabe.
Desthilata heyî bi vî awayî xwe li ser piyan digre û bi rê ve dibe.
Lîreyê tirk li hember Dolar, Euro nirxê xwe winda dike.
Lê îqtidar bi israr polîtîkayên şaş ên aboriyê bi rê ve bibe.
Encama van polîtîkayên wê jî feqîrtî, birçîbûn, xela û zilm e.”
Sancar diyar kir ku desthilatê digot ku wan şerê rizgariyê daye destpêkirin, lewra rewşa aboriyê wiha bûye û wiha domand:
“Ev gotina wan tê wateya ku li dijî gel şer bi rê ve dibin û vî şerê wan xelkê feqîr û birçî kir.
Bi rêbazê hevgirtin û yekgirtinê em dikarin rê li ber vî şerê li hember gel bigirin û ew jî bi tifaqa demokrasiyê dibe”
Mîthat Sancar: Emê destûrê nedin faşîzma AKP ku çavkaniya zilmê ye
Sancar destnîşan kir ku AKP çi dike jê re wek meşru tê dîtin, lê wê ev yek dewam neke.
Sancar qala faşîzma desthilatê ku dixwaze hîn zêde xwe sazûman bike jî kir û got:
“Ew ê destûr nedin vê faşîzmê.
Girtîgeh veguherîne kampên komkirinê, êşkence û binpêkirinên mafan.
Her roj cenazeyek ji girtîgehan derdikeve. Girtiyên nexweş nayên dermankirin, nayên berdan.
Girtiyên cezayên wan qediyane jî nayên berdan. Em ê li dijî îşkence û binpêkirina mafan têbikoşin.”
Mîthat Sancar: Wê sala 2022 bibe sala serketina me
Sancar bang li hemû hêzên demokrasiyê, însanên xwedî wîjdan kir ku ji bo aştiyê bikevin tevgerê û HDP’ê jî amade ye û çi bikeve ser milê wê ew ê bike..
Hevserokê Giştî yê Partiya Demokratîk a Gelan (HDP) Mîthat Sancar işaret pê kir ku ew ê keştiya aştiyê, edaletê û demokrasiyê bigihînin bendergehê û wiha bi dawî kir:
” Ji sibê û pê ve, em ê pêşniyarên xwe yên li ser xalên bingehîn ên di asta çar partiyan û hevserokatiyê de pêşkêşî aliyên muxalefetê bikin.
Wê sala 2022’yan bibe sala serkeftina me.”
