Meclisa Kantona Kobanê ji bo nirxandina kar û xebatên sala 2021`an civîna xwe ya salê li dar xist. Bi dehan endamên rêveber ên saziyên kantonê di civînê de amade bûn.
Di civînê hevserokê Meclisa Kantona Kobanê Mistefa Eto axivî û îşaret bi armanca lidarxistina civînê kir.
Hevseroka Meclisa Kantona Kobanê Leyla Ehmed jî rapora siyasî û xebatên rêxistinî yên sala 2021 xwend.
Paşê beşdaran kar û xebatên meclisê yên sala 2021’an nirxandin.
Di dawiya civînê de hilbijartina endaman a ji bo kar hatin kirin.
Ji bo avakirina navendên meclisên komînan û aktîfkirina navendên çandiniyê li bajarok û navçeyan pêşniyaz hatin kirin.
Ji bo çareserkirina pirsgirêkan û bicihanîna pêşniyaran, plansaziyek hat danîn.