Li girtigehên Tirkiyê Îşkence, zext û tundiya li ser girtiyên siyasî, bi taybetî jî li dijî girtiyên nexweş didome. Çalakiyên malbatên girtiyan yên li Tirkiyê û Bakurê Kurdistanê ku ji bo girtiyên nexweş bêne berdan dewam dike.
Malbatan bang li her kesî kirin ku xwedî li girtiyên nexweş derkevin.
Dewleta tirk di serî de bi tecrîdkirina Rêberê Apo, li dijî girtiyên siyasî, polîtîkayeke tecrîdkirin û kuştinê dide meşandin.
Di van demên dawî de ji girtîgehan agahiyên mirinê tên.
Îro bi sedan girtiyên nexweş li girtîgehan tên ragirtin û nayên dermankirin.
Ji bo ku girtiyên nexweş bêne berdan li Kurdistanê û Tirkiyê Nobetên Adaletê dest pê kirin.
Çalakiyên ku malbatên girtiyan dane destpêkirin, dewam dike û her ku diçe belav dibe.
Dayikên girtiyên nexweş: Em naxwazin zarokên me li girtîgehan jiyana ji dest bidin
Dayikên girtiyan ên li Îzmîrê jî piştgiriya xwe ya ji bo Nobeda Edaletê ragihandin û diyar kirin ku daxwazên malbatan daxwazên her kesî ne.
Dayika girtiyê bi navê Firat Yagmekan ku 14 sal in girtî ye Sûltan Yagmekan, anî ziman ku li Tirkiyê hiqûq û mafê mirovan tên binpêkirin û got:
“Ger li welêt edalet hebûna, me doza tiştekî wiha nedikir.
Dayika Bunyamîn Surme yê 14 sal in girtî ye, Fatma Surme,da zanîn li girtîgehan gelek binpêkirinên mafan rû didin û li tu devera cîhanê feraseteke hiqûqê ya wisa tune ye.
Fatma Surme dibêje êdî ew naxwazin zarokên wan li girtîgehan jiyana xwe ji dest bidin.
Medîne Kaymaz, dayika Bayram Kaymaz ê 26 sal in girtî jî destnîşan kir ku daxwaza malbatan daxwaza hemû kesên doza edaletê dikin û lewma demildest divê girtiyên nexweş û girtiyên înfaza wan hatine şewitandin bên berdan.
Yek girtiyê nexweş jî ku rewşa wî her diçe girantir dibe Gorgîn Oktar e û ev 27 sal in rehîn tê girtin.
Têkildari rewşa girtiyê nexweş Gorgîn Oktar, Xwişka wê Xatûn Bîngol, diyar ku birayê wî heta niha ji ber nexweşiyên xwe 5 caran emeliyat bûye.
Xatûn Bîngol dibêje rewşa birayê wî taybet piştî bi ketina nexweşiya koronoyê re xirabtir bûye, lê tevî vê jî di hucreya yek kesî de tê girtin.
Ceingiz Temel: Girtî bi mirinê re rû bi rû hatine hiştin
Ji Girtîgeha Tarsûsa Mêrsînê jî Girtiyê bi navê Cengîz Temel, di hevdîtina 14’ê Kanûnê de ya bi malbata xwe re rewşa li girtigehan û êşkenceya li dijî wan tên kirin eşkere kir.
Cengîz Temel dibêje êşkenceya li zindanan zêde bûye û di vê demsala zivistanê de alavên germkirina hûndir pê naxin û ew bi mirinê re rû bi rû hiştine.
