Beriya salekî di rojeke mîna îro de li DYA deqek reş li dîroka welat ket. Di êrişa alîgirên Trump ya li ser avahiya Kongreyê de, yek jê polîs 5 kes mirin. Bêtirî 700 kes hatin binçavkirin. 6’ê Çile di dîroka siyaseta Amerîka de weke roja herî dirêj tê pênasekirin. Di heman demê de, bûyerên ku rûdan jî dijberiya navbera Komarparêz û Demokratan jî zêde kir.
Hilbijartinên serokatiyê yên ku di 3ê Mijdara 2020’an de, li Dewletên Yekbûyî yên Amerîkayê (DYA) pêk hatin û di encamê de Joe Bidenê Demokrat bi ser ket, wekî “hilbijartinên salên dawî yên herî bi nakok” derbasî dîrokê bû.
Serokê Amerîkayê û namzetê Komarî yê wê demê Donald Trump îdia kiribû ku dê di hilbijartinan de nelirêtî pêk hatiye.
Alîgirên Trump jî bi demê re dest bi parastina van îdiayan kirin.
Bi rengmayîna nîqaşên li ser hilbijartina li Pensîlvanya ku weke ciheke krîtîk dihate dîtin ev nîqaş gurtir bûn.
Tevî ku serkeftina Biden di 7’ê Mijdarê de hat ragihandin jî, Trump û ekîba wî li gelek eyaletan bi îdiaya nelirêtî pêk hatiye ketin tevgerê.
Ev roj di dîroka siyaseta Amerîka de weke roja herî dirêj tê şîrovekirin.
Dema ku 6’ê Çile li avahiya Kongresê encamên hilbijartinê dihatin nirxandin de, gotinên Trump yên cudaker bû sedema bi hezaran alîgirên wî berê xwe bidin avahiyê.
Di nava kesên li ber Kongreyê kom bûn de, komên nîjadperestên tund jî hebûn.
Trump ê digot ewê encamê nepejirîne, dibû sedema hêrsa alîgirên wî ya li dijî demokratan zêdetir bibe.
Bi dehezaran kesên ku di mitînga Trump de amade bûn, dest bi meşa ber bi kongreyê ve kirin.
Di dawiya axaftina Trump de, li Kongreyê alozî dest pê kir.
Komek bi şikandina barîkatan hewl da bikevin nava Kongreyê, polîsan koma yekem paşve xistin û hêz xwestin.
Di xwepêşandanên ku li ber kongreyê pêk hatin de, yek jê polîs bi giştî 5 kesan jiyana xwe ji dest dan.
Trump bi taybetî ji hêla Demokratan ve wek berpirsê êrîşa Kongreya dîrokî ya li welat tê dîtin.
Torên medya civakî Twitter, Facebook û Instagram hesabên Trump cemidandin.
Trump wekî “yekemîn Serokê DYA ye ku di dîroka welat de du caran derbarê wî de pêvajoya ji erkgirtinê pêk hatiye.
Buroya Lêpirsîna Federal (FBI) lêbirsîna xwe ya derbarê bûyerê de didomîne.
Heta niha 700 kes hatin binaçavkirin.
Di vî warî de tê gotin, rêveberiya Biden tevî salek di ser êrişa avahiya Kongreyê re derbas bû jî ti gaveke berbiçav nehatiye avêtin.
