Siyasetmedarên Iraqê xwestin PKK ji lîsteya terorê were derxistin

Hewldanên ji bo derxistina PKK ji ‘lîsteya terorê’ li seranserî cîhanê dewam dikin…
Siyasetmedarên Iraqê diyar kirin ku PKK parastina doza Kurdan dike û gotin:
“PKK li dijî siyaseta tunekirina nasnameya Kurdan têdikoşe û divê ji lîsteyên qedexe were derxistin.”

Li 30 welatên cîhanê ji bo PKK ji lîsteyê were derxistin, kampanyayên îmzeyan hatine destpêkirin û hîn jî dewam dikin.

Ji bo piştgiriya kampanyayê heta niha gelek siyasetmedar, nivîskar, hunermend û çalakvanên ji çar hêlên cîhanê beşdar dibin.

Di çarçoveya kampanyayê de şîrovekarên siyasî yê Iraqî Kazim Hac û Wal Rikabî jî xwestin PKK ji lîsteya terorê werin derxistin.

Kazim Hac: PKK ji bo parastina doz û azadiya gelê xwe têdikoşe

Kazim Hac, destnîşan kir ku dewleta Tirk û welatên din hewl didin nasnameya Kurdan tine bikin, lê nizanin ku Kurd li herêmê xwedî dîrokek dûr û dirêjin.

Kazim Hac bal kişand li ser doza rewa ya PKK’ê û wiha got:

“Bi salane PKK ji bo parastina, doz û daxwaza gelê Kurd têdikoşe.

Divê welatên navnetewî PKK’ê ji lîsteya terorê derbixin.

Cihê şermê ye ku PKK niha di lîsteya rêxistinên terorîst de tê ragirtin.”

Wal Rikabî: Divê ragihandina Ereb ji bo derxistina PKK’ê ji lîstê bixebite

Li ser heman mijarê Siyasetmedarê Iraqî Wal Rikabî jî axivî û diyar kir PKK xwedî sîstemek fikriye û got, “Xistina PKK’ê ya nava lîsteya terorê, nakeve aqilê tu kesê.”

Wal Rikabî di dawî de bal kişand li ser fikirên Rêber Apo yên derbarê neteweya demokratîk de û wiha got:

“Bi rêya fikirên Abdullah Ocalan daxwaza demokrasî, aştî û parastina gelê Kurd dike û dibêje, ‘Pêwîste ragihandina Ereb mazlûmiya Kurdan bibîne, bi taybetî ji bo PKK ji lîsteya terorê were derxistin, bixebite. Divê PKK ji lîsteya terorê were derxistin.”

Back to top button