Serokê Ûkrayna Zelensky bi leşkerên sînor re civiya û got: Em ji kesekê natirsin. Serokê DYA Biden û Serokwezîrê Almanya Scholz ji li ser krîza Ûkrayna axivîn. Lê îdiayên balkêj ji Wezarê Karên Derve yê DYA Blinken hat. Blinken got; Rûsya berovajî gotinên xwe tevdigere û ti leşker nekişandiye. Lê leşkerên heyî jî hîna zêdetir nêzî sînor kiriye.
Ûkrayna ji dema zêdebûna sewqiyatên leşkerî yên Rûsya li sînorê welat û heta niha di alarmê de ye.
Piştevaniya welatên rojavayî bû Kîevê, kêmek jî be dilê Ûkrayna rehet kiriye.
Serokê Ukraynayê Volodymyr Zelensky li Mariupolê bi leşker û hêzên hiqûqê re civiya.
Zelensky di bernameya ku nûnerên dîplomatîk ên welatên biyanî beşdar bûn de axivî û pesnê leşkerên Ûkrayna da.
Zelenskiy diyar kir ku ew ji tu kesî natirsin û welat ji her cure gef, zextên siyasî û leşkerî re amade ye û ev tişt anî ziman: “Em ê xwe biparêzin. Ji ber vê yekê roj û hefte ne girîng in, lê sal girîng e, ne 2014, 2022 ye. Ev ferqeke girîng e ku ev 8 sal in şer didome. Em bi hêztir bûne.”
Zelensky piştî axaftinê xelatên xwe pêşkêşî leşkeran kir.
16’ê Sibatê ku Zelensky weke “Roja Yekîtiyê” ragihandî, bi girseyî hatin pîrozkirin.
Gel “Roja Yekîtiyê” bi ala neteweyî ya 200 metreyî li Stada Olîmpiyadê ya li paytext Kîevê pîroz kir.
Biden û Scholz ji bo Ûkrayna axivîn
Serokê Amerîkayê Joe Biden û serokwezîrê Almanyayê Olaf Scholz bi telefonê derbarê aloziya li Ûkraynayê de axivîn.
Li gor daxuyaniya nivîskî ya Koşka Spî Biden û Scholz li ser hevdîtinên xwe yên dawî yên bi lîderên Rûsya û Ûkraynayê re axivîn e.
Biden û Scholz piştevaniya xwe bi serwerî û yekparçeyiya axa Ûkraynayê dûbare kirin.
Lîderan bal kişandin ser giringiya hevahengiya transatlantîk di dîplomasî û hewlên pêşîgirtina êrişeke Rûsya li dijî herêmê û xurtkirina NATO li aliyê rojhilatê Ewropa.
Blinken: Tevgera yekîneyên Rûsya ber bi Ûkraynayê ve didome
Wezîrê Karên Derve yê Amerîka Antony Blinken got, Rûsya leşkerên xwe ji sînorê Ûkraynayê venekişandiye û berovajî wê hêz nêzîktirê sînor kiriye.
Antony Blinken ê ku beşdarî bernameyeke televizyonê bû, daxuyaniya Rûsyayê ya ku gotibû wan beşek ji hêzên xwe yên li ser sînorên Ûkraynayê bi cih kirine vekişîndine nirxand.
Blinken got: “Tiştek heye ku Rûsya dibêje. Û tiştek heye ku Rûsya dike. Me ti vekişînek di hêzên wan de nedît. Ew li ser sînorên Ûkraynayê pir xeternak in. Wê baş be ku wan tiştên ku digotin bikin. Lê heta niha nekirine û me jî nedîtiye.”
Wezîrê Karên Derve yê DYA di daxuyaniya xwe ya nivîskî ya li ser biryara Rûsya ji bo herêmên Donbasê jî ev tişt anî ziman: Ev biryar wê bibe binpêkirina hiqûqa navneteweyî.
Di heman demê de, wê bibe sedema têkçûna dîplomasiya Rûsya di çareserkirina krîza heyî de.
