Li zîndanên dewleta Tirk, li dijî girtiyên siyasî zext, êşkence û binpêkirinên mafa didomin.Girtiyên li zîndanên bajarên Îzmîr û Edenê têkildarî binpêkirinên li girtîgehan nameyek parlementera HDP’ê Meral Daniş Beştaş re şandin. Di nameyê de tê gotin ku ew 5 meh in tên tecrîdkirin û lêgerînên cûda li ser wan tên ferzkirin. Her wiha girtiyên ku dema girtina wan qediyaye jî nayên berdan.
Li girtîgehên dewleta Tirk, li dijî girtiyên siyasî zext, êşkence û binpêkirinên mafa didomin.
Girtiyên nexweş ne tên berdan, ne jî têne derman kirin.
Dewleta Tirk a qirker ku li hemberî têkoşîna gelê Kurd têk diçe, tola xwe ji girtiyên siyasî yên Kurd radike.
Tecrîda ku di şexê Rêber Apo de a li Îmraliyê niha belavî hemû girtîgehan buye.
Girtiyên li girtîgeha Îzmîrê û Edenê name ji HDP’ê re şandin
Girtiyên li girtîgehên bajarên Îzmîr û Edenê, têkildarî binpêkirinan nameyek ji Cîgira Seroka Koma HDP’ê Meral Daniş Beştaş re şandin.
Girtiyên li girtîgeha Îzmîrê, di nameya xwe de ragihandin ku 5 meh in di tecrîdê de ne.
Di nameyê de girtiyan diyar kirin tecrîd nayê qebûlkirin û xwestin dengê wan bê bihîstin.
Girtiyên li girtîgeha Edenê jî di nameya xwe de eşkere kirin ku lêgerînên cuda li ser wan tên ferzkirin û ev 3 meh in jî nahêlin ku girtiyên nexweş biçin nexweşxaneyê.
Girtî Elî Gulmez: 4 sal in min nebirine nexweşxane yê
Girtiyê nexweş ê rewşa wî giran Elî Gulmez jî ku di lîsteya girtiyên nexweş a Komeleya Mafên Mirovan (ÎHD) de ye, di 14’ê Sibatê de nameyek ji Komeleya Civaka Sivîl re şandiye
Gulmez di nameyê de bal kişandiye ser binpêkirinên mafan ên li Girtîgeha bajarê Bolûyê û dibêje:
“Mafê wan ê tendursitiyê jî bi awayekî kêfî û bêhiqûqî tê astengkirin.”
Gulmez, eşkere kir ku 4 sal in wî nebirine nexweşxaneyê.
Piştî nameya Gulmez bi rojekê ew ji gîrtîgeha Bolûyê sewqî girtîgeha Kiriklarê kirine.
Girtiyê bi nav Haşîm Kaya ku cezayê wî qediyaye 11 meh in nayê berdan
Haşîm Kaya ê li Girtîgeha Amedê girtî ye jî tevî ku cezayê wî qediyaye 11 meh in nayê berdan.
Dayika wî Emîne Kaya bertek nîşanî nebardana kurê xwe da û diyar kir ji ber rêveberiya girtîgehê ‘poşmantiyê’ li kurê wî ferz kiriye û wî jî ew qebûl nekiriye bernadin
Emîne Kaya: Silava ku min daye lawê xwe kirine hêceta taloqkirina berdana wî
Emîne Kaya dibêje silava ku wê daye lawê xwe jî kirine hêceta taloqkirina berdana wî.
Dawî dayika Emîne bang kir ku tevahiya girtiyên cezayên wan qediyane bên berdin.
