Jina şoreşger a Kurd Zeyneb Celaliyan ku 15 sal in di zîndanên rejima Îranê de ye, bi nameyekê 8’ê Adarê Roja Jinan a Cîhanî li hemû jinan pîroz kir û îşkenceya di girtîgehê de dîtî di nameyê de parve kir.
Girtiya Kurd a siyasî Zeyneb Celaliyan a 15 salin di girtîgehên Îranê de tê girtin bi nameyekê 8’ê Adarê Roja Jinan a Cîhanî li hemû jinan pîroz kir.
Zeyneb Celaliyan di nameya xwe de êşkenceya ku li Girtîgeha Îstîxbarata Sepah a Kirmaşanê dîtî eşkere kir.
Zeyneb di despêka nameya xwe de 8’ê Adarê li hemû jinan pîroz kir û got:
Dema em li dîrokê dinêrin, dibînin ku jinên azadîxwaz her tim li dijî rejîmên dîktator şer kirine û van jinên leheng jî bi xwîna xwe 8’ê Adarê di dîrokê de tomar kirine. Dema ku jin bi azadiyê hesyabe û bi rêwîtiya wê de çube tu zordarî nikare wê ji rêya ku daye pêşiya xwe vegerîne.
Zeyneb Celaliyan di nameya xwe de îşkenceya dîtî wiha aniye ziman:
Dema ku di destê zordarên Komara Îslamî de bûm, ez bi vê yekê hesiyam. Cilên min li ser laşê min çirandin, çavên min girtin, dest û lingên min bi cihek hesinî ve zincîr kirin û dest bi îşkenceya giran kirin.
Girtiyan siyasî Zeyneb Celaliyan di nameya xwe de banga li hemberî îşkencerabûnê li her kesê kir û wiha domand:
Hêvîdarim di vê roja bi wate de hemû jin bigihin azadiya xwe.
Zeyneb Celaliyan: Divê em bi keda xwe zaliman ji welatê xwe derînin
Zeyneb dibêje: Em bi hev re li dijî zaliman têkoşîn bidin ku em bi keda xwe zaliman ji welatê xwe derbixin. Ji bo ku sibê em ji jinên jiyana xwe ji dest dane şerm nekin. Ji bo azadî û wekheviyê hewceye em bedel bidin.
Zeyneb Celaliyan:Li hemberî îşkencê zêdetir wêrek û berxwedêr dibim
Di dawiya nameya xwe de Zeyneb Celaliyan wiha anî ziman: Ez Zeyneb im, Zeyneb Celaliyan; Jineke Kurd ku di girtîgehê de şahidê bi sedan tawanên Komara Îslamî bûm. Ma êşek ji vê mezintir heye? Bawer bikin, her ku zalim zulm û îşkencê li ser min zêde dikin, ez wêrektir û berxwedêrtir dibim.
