Li Lîbya aloziya navbera hikumeta demkî careke din tevgera leşkerî ya li nava welat zêde kiriye. Fethî Başaga yê ku ji aliyê Meclisa Nuneran a Tobrukê ve weke serokwezîr hatî hilbijartin ji bo dewirgirtina erkê xwe amadekariyan dike. Berpirsê DYA yê li Lîbyayê ji ber atmosfera aloziya heyî, bi aliyan re civiya.
Li Lîbya aloziya heyî derbasî qonaxekî nû bûye.
Hikumeta Fathî Başaga amadekariyên dewirgirtina hikumetê ya li paytext Trablusê dike.
Ev yek ji bi daxuyaniyekê ji aliyê Buroya Çapemeniya Hikuemtê ve jî ahte piştrastkirin.
Buroyê ragihandin ku hikûmet ji bo ku li Trablusê wezîfeyên xwe bi cih bîne û hemû rêziknameyan bi berpirsiyarî temam bike xebatên xwe didomîne.
Hat destnîşankirin ku hikumeta Başagayê li gor qanûnê wê di demeke nêz da li Trablusê dest bi xebatên xwe bike.
Di daxuyaniyê de bal hat kişandin ser wê yekê ku wê xwîn neyê rijandin û wiha hat gotin,
“Hêza leşkerî ya ku ber bi Trablusê ve diçû, ne ji ber şer û pevçûnane.
Ev hêz li ser vexwendina gelê welatparêz û bi armanca ewlehiyê tevgeriya û piştre vegeriya baregehên xwe. ”
Li derdora Tarablusê tevgera leşkerî
Piştî çalakiya leşkerî ya li bajarên wekî Hums û Terhune yên nêzî paytext Trablûsê, ji duh êvarê ve, ji saziyên navneteweyî daxuyanî hatin.
Mîsyona Piştevaniya Neteweyên Yekbûyî ya li Lîbyayê (UNSMIL) diyar kir ku tevgera ewlehiyê yên li paytext û derdora wê ji nêz ve tên şopandin û bang li aliyan kir ku aram bin.
Hat ragihandin ku Sefîr û Nûnerê Taybet ê DYA yê li Lîbyayê Richard B. Norland jî bi Serokwezîrên hikumeta demkî Ebdulhamîd Dibeybe û Fethî Başaga re hevdîtin pêk anîn.
Di civînên Foruma Diyaloga Siyasî ya Lîbyayê ya bi pêşengiya NY ku Mijdara 2020’an hate lidarxistin de biryara hilbijartina giştî hate dayîn.
Weke dîroka hilbijartinê jî 24’ê Kanûna 2021’an hate destnîşankirin.
Lê hilbijartin di roja diyarkirî de nehat kirin.
Meclisa Nûneran a Tobrukê di rûniştina xwe ya 10’ê Sibatê de ragihand ku erka hikumeta demkî bi dawî bûye û ji bo vê yekê Wezîrê Karên Hundir ê berê Fethi Başağa wek serokwezîr hilbijart.
Meclîsê di 1’ê Adarê de, dengê pêbaweriyê dabû hikumeta Başaga.
Serokwezîrê hikumeta demkî yê berê Ebdulhemîd Dîbeybe jî ev yek red kir û got;
Meclisa Nûneran bi dûrketina ji nexşerêya ku di peymana Cenevreyê de hatiye diyarkirin sûc dike.
Ez li ser erka xwe me û wê erkê tenê radestî hikûmeteke hilbijartî bike.
