Şerê li Ûkrayna di her warî de bi cîhanê dide windakirin. Ji ber êriş û wêraniya hêzên Rûsya li Ûkrayna pêk anî, heta niha 119 milyar dolar ziyan li welat bûye. Fona Pereyan a Navnetewî (IMF) jî dibêje ev yek ne tenê bandor li Ûkrayna lê li gihştî cîhanê dike. Seroka IMF Georgieva got, Ji ber şer, pêşdîtinên me yên ji bo aboriyê ku dihatin kirin, wê ji nûve bikin.
Şerê li Ûkrayna ku ev 16 rojin pêk tê, bi cîhanê dide windakirin.
Rêvebera Fona Pereyan a Navneteweyî (IMF) Kristalina Georgieva diyar kir ku şerê li Ûkraynayê û cezayên li dijî Rûsyayê dibe ku bibe sedema kêmbûna pêşbîniya mezinbûna aboriya cîhanê.
Kristalina Georgieva, di daxuyaniya xwe ya ji bo çapemeniyê de, bal kişand ku lêçûna aboriya şerê li Ûkraynayê.
Georgieva anîziman ku ger niha jî şer biqede lêçûneke zêde ji bo Ûkrayna pêwist dike û got;
Ji roja despêka şer û heta niha hertim bi rêveberên Ûkrayna re di nava peywendiyê de ne.
Rêvebera Fona Pereyan a Navneteweyî diyar kir ku lijneya IMFyê duh 1,4 milyar dolar fînansmana awarte pejirand û da zanîn ku ev pere li hesabê mafê kişandina taybet (SDR) ya Ûkraynayê hatiye razandin.
Ûkrayna: Heta niha ziyana şer a ji bo welat 119 milyar Dolar e
Cîgirê Wezîrê Aboriyê yê Ûkraynayê Denis Kudin ragihand ku lêçûna şerê ku di 24ê Sibatê de dest pê kir, ji bo Ukraynayê 119 milyar dolar e.
Li gorî nûçeya ajansa fermî ya Ûkraynayê Ukrinforma Kudin diyar kir ku ji ber şer dewam dike roj bi roj ziyana wan zêde dibe.
Kudin, anî ziman ku ji sedî 75’ê şîrketên li herêmên bi nakok xebatên xwe yên aboriyê bi dawî kirine û got;
Ew di hesabên xwe de li gel xisara rasterast, xisarên nerasterast ên ji ber xitimîna aboriyê hatine tomarkirin jî dihesibînin.
Ûkrayna: Şer dewam bike, wê krîzek birçîbûnê derkeve
Şêwirmendê aborî yê Serokê Ûkraynayê Oleg Ustenko anî ziman ku eger şer dewam bike, dibe ku cîhan bi krîza birçîbûnê re rû bi rû bimîne.
Ustenko ji kovara aboriyê ya Elman Wirtschaftswoche re axivî û got,
“Ji bo çandiniyê tenê hefteyek maye.
Eger heta wê demê şer bi dawî nebe, wê li cîhanê pirsgirêka xwarinê derkeve.”
Di nava van krîzan de, hejariyê ji niha de xwe li nava Ûkrayna daye xuyakirin.
NY ragihand ku ji roja despêşa êrişê heta niha jimara kesên ji Ûkrayna koçber bûne, 2,5 milyon derbaskiriye.
Her wiha tê texmînkirin ku nêzî 2 milyon kesî jî li nava Ûkrayna cihê xwe guhertiye.
