Zelensky: Em ê bi hevre ji bo azadiyê şer bikin û azadiyê biafirînin

Krîza Ûkrayna ji rojevê sereke yên cihanê ye. Serokomarê Ûkyrana Zelensky ji ber piştevaniya Polonya bo welatê wî ew sipas kirin û got: Em ê bi hevre ji bo azadiyê şer bikin û azadiyê biafirînin.
Serokê DYA Biden jî anî ziman ku ew ji bo Putin li quncikekî asê bikin, wê tişta ji destê wan bê bikin. Di vê navberê de ji Rêxistina Xurek û Çandiniyê ya NY li ser krîza heyî û bandora wê hişyariyek hat…Rêxistinê got;
Dibe nirxê xurekan ji sedî 20 zêde bibe.

Dijwariya êrişên Rûsya li ser Ûkrayna, ji aliyê welatên rojava ve di nava metirsiyê de tê temaşekirin.

Ûkrayna ya li dijî Rûsya dibêje, şerê azadiyê dike bi hemû hêza xwe hewil dide pêşî li Moskow bigre.

Serokomarê Ûkraynayê Volodymyr Zelensky ji ber piştevaniya bi welatê wî spasiya Polonyayê kir û got:

“Em ê bi hev re ji bo azadiyê şer bikin û azadiyê biafirînin.”

Zelensky anî ziman ku ew dizane Polonya ji bêdengiya welatên ku rastiyê dizanin acize.

Biden: Ji bo Putin hesab bide emê wî li quncikê asê bikin

Serokê Dewletên Yekbûyî yên Amerîkayê Joe Biden jî got,

ew ê zextên li Serokê Rûsyayê Vladimir Putin bikin ku hesab bide.

Biden, di axaftina xwe ya têkidarî cezayên nû yên li ser Rûsyayê de ev tişt anî ziman:

“Em ê rê li ber deynkirina Putin ji Fona Pereyan a Naventewî (IMF) û Banka Navendî bigirin.”

Biden diyar kir ku aboriya Rûsyayê zirareke mezin dîtiye û wiha got,

“Em ê rê li ber hinardekirina berhemên deryayê, ereq û almasên ji sektorên cuda jî bigirin.”

Lîderên ye: Di warê enerjî û ewlekariyê de em ê hîn zêdetir xwe rêve bibin

Li aliyekî din, lîderên 27 welatên Yekîtiya Ewropayê (YE) 10-11’ê Adarê li Koşka Versay ya Fransa kom bûn.

27 lîderan êrîşa Rûsyayê ya li ser Ûkraynayê wekî “guhertineke a parçekirinê (tektonîk) di dîroka Ewropayê de” binav kirin.

Serokên YE, niyeta xwe ya ji nûve çekdarkirina komî û xweseriya xwarin, enerjî û alavên leşkerî ragihand.

Serokomarê Fransayê Emmanuel Macron piştî civînê got,

“Em dixwazin têkliyên me yên ji derve re vekirî be lê em naxwazin di mijara diyarkirina hevalên xwe de, girêdayî kesê bîn.”

FAO: Nirxê xwarinê dibe ku ji sedî 20 zêde bibe

Li aliyekî din, şerê li Ûkrayna bandora xwe ya li ser nirxê pêdiviyên jiyanê yên li seranserî cîhanê dike.

Rêxistina Xurek û Çandiniyê ya Neteweyên Yekbûyî (FAO) hişyarî da ku ji ber şerê li Ûkraynayê dibe ku li seranserê cîhanê bihayê xurek û xwarinê zêde bibe.

Di rapora FAO yê ku doh hat weşandin de, hat diyarkirin, bihayê xurek ji sedî 8 heta 20 dibe ku zêde bibe.

FAO da zanîn, zêdebûna bihayan dikare hejmara kesên ku bi kêmxwarinê re rû bi rû ne jî zêde bike.

Back to top button