Wêranî û komkujiyên li Ûkrayna, dihêle ku hertim di rojeva sereke ya cîhanê de cihê xwe bigre. Moskow her çiqasî pêkanîna komkujiya li Buça ya ji aliyê leşkerên wan ve hatiye kirin red dike, lê dîmenên derketî her tiştî bi zelalî nîşan dide. Di çapemeniya Ûkrayna de dimenên têkildarî kêliya pêkanîna komkujiyê hatin weşandin. Wezareta Parastinê ya DYA (Pentagon) ê ragihand ku ji sêyan duyê leşkerên Rûsya ji herêmên Kîevê hatine vekişandin.
Li Ûkrayna şerê heyî di roja xwe ya 41’an de ye.
Wêranî û komkujiyên li nava xaka Ûkrayna, Rûsya û welatên Rojavayî anîne pêşberî hev.
Serdozgeriya Ûkrayna îdia dikir ku 410 sivîl li bajarê Buça yê herêma Kîevê hatine kuştin.
Beşek ji van di gorên komî de hatine dîtin.
Lê rêveberiya Moskow vê yekê red dike.
Her çiqasî Rûsya vê yekê weke provakasyonê dibîne û red dike jî lê dimenên ji bajarê Buça tên weşandin, rastiya heyî nîşan dide.
Ev dimeneke ji bajarê navborî hatiye kişandin.
Di dimen de tê xuyakirin ku kesek li ser rêya ku kes neyî bi bisiklêta xwe dimeşe.
Li rêya din a kêlekê konvoya leşkerên Rûsya heye.
Dema kes nêzî rêya leşkerên Rûs dibe, bi çekên giran tê armanckirin.
Balkêş e ku Serokomarê Ûkrayna Volodymyr Zelensky jî di daxuyaniya xwe de gotibû, ma çi sucê kesê ser bisiklêtê siwar bûyî hebû.
Bajarê Mariupol kavil bûye
Ev der jî bajarê Mariupol yê dikeve rojhilatê Ûkrayna ye.
Li bajar tenê tişta xuya dike, wêraniya ku ji ber şer pêk hatî ye.
Ûkrayna: 18,500 leşkerên Rûsya hatine kuştin
Sererkaniya Ûkrayna jî bîlançoya şerê 41 rojan a li dijî artêşa Rûsya eşkere kir.
Li gorî vê; 18 hezar û 500 leşkerên artêşa Rûsyayê, hatin kuştin.
150 balafir, 134 helîkopter, 676 tank, 1,858 wesayîtên zirxî, 332 top, 107 pergalên avêtina roketan û 55 pergalên parastina hewayî yên Rûsyayê hatin têkbirin.
Her wiha hezar û 322 wesayit, 7 keştî û keştiyên bilez ên sivik, 76 wesayîtên sotemeniyê û 94 dron jî hatin bêkêrkirin.
Rûsya: 17 binesaziyên leşkerî yên Ûkrayna hatin têkbirin
Berdevkê Wezareta Parastinê yê Rûsya Îgor Konaşenkov jî ji aliyê xwe ve bîlançoya şerê li Ûkrayna eşkere kir.
Li gorî vê;
17 binesaziyên leşkerî yên Ûkrayna hatine armanckirin.
Heta niha 125 balafir, 91 helîkopter, 394 balafirên bêmirov, 226 pergalên moşekî yên parastina hewayî di nav de bêtirî hezar tank û maşîneyên zirxî yên Ûkrayna hatine bêkêrkirin.
Pentagon: Ji sêyan duyê leşkerên Rûsya ji herêma Kîevê vekişiyane
Rayedarekî payebilind yê Wezareta Parastinê yê DYA got;
Rûsyayê ji sêyan duyê leşkerên xwe ji derdora Kîevê vekişandiye.
Em dibînin ku ev leşker li Belarûsê tên komkirin.
Bi şerê tê ku navê wî neyê eşkerekirin berpirsekî Pentagonê ji ajansa AFP re axivî û got,
Ev leşker dibe ku ji bo bêhndan û li ciheke din şer bikin hatine vekişandin.
