Wezîrê Derve yê Amerîka Antony Blinken got, wan heta niha derbarê cezayên li ser Hindistanê ku S-400 ji Rûsyayê wergirtiye, biryara dawî nedaye.
Blinken diyar kir ku ew dixwazin li şûna Rûsyayê bibin hevkarê sereke yê ewlehiyê yê Hindistanê.
Wezîrê Karên Derve yê DYA Antony Blinken, Wezîrê Parastinê yê DYA Lloyd Austin, Wezîrê Karên Derve yê Hindistanê Subrah-manyam Jai-shankar û Wezîrê Parastinê Rajnath Singh di çarçoveya “Civîna Diyaloga Stratejîk a Wezîran a 2+2” de li Washingtonê hatin cem hev.
Wezîrên ku piştî hevdîtinan li ber kamerayan bûn, têkiliyên dualî û herêmî yên di navbera DYA û Hindistanê de nirxandin .
Antony Blinken bersiv da pirsa ku wê li ser Hindistan a ku pergala parastina hewayî ya S-400 ji Rûsyayê wergirtiye jî ceza werin sepandin da.
Blinken, bangên Amerîkayê yên ku dibêjin bila ti hevalbend çekên berfireh ji Rûsyayê nekirin dubare kir û ji bo hindistanê jî ev tişt got:
“Me hîna biryar nedaye ku li gorî Qanûna CAATSA (Qanûna Cezayan Bersiva Dijminên DYA) li ser cezayên muhtemel an jî îstîsnayên muhtemel biryar nedaye. Lê di navbera Hindistan û Rûsyayê de dîrok û pêwendiyek dirêj heye, di nav de firotina leşkerî jî. Naha em di rewşekê de ne ku bibin şirîkê ewlehiyê yê bijarte yê Hindistanê û em vê dixwazin.”
Ji ber kirîna S-400’an cezayên CAATSA li ser Tirkiyê hatin sepandin û ji bernameya F-35’an hat derxistin.
Bandora şerê Ûkrayna li ser têkliyên DYA-Hindistan
Di rojeva wezîran de, rewşa li Ûkrayna jî hebû.
Blinken ji ber pêwistiyên bijîjkî û piştgiriyên din ên ku Delhiya Nû ji Kîevê re şandî keyfxweşiya xwe nîşan da.
Wezîrê Derve yê Hindistanê Jaishankar diyar kir ku wan li ser çawaniya parastina herêma Hind-Pasîfîk bi rejîmek azad û vekirî, geşedanên li Efxanistan û bertekên wan ên li herêmê gotûbêj kirin.
Jaishankar bal kişand ser girîngiya civata QUAD a ku di navbera DYA, Hindistan, Japonya û Awistralya de hatî damezrandin û wiha got:
Em bawer dikin ku ev avahî wê li herêma Hindo-Pasîfîkê hevkêşeyên herêmî, peyda bike.
