6 rojên din wê welatiyên Fransa ji bo hilbijartina Serokomarê xwe careke din biçin ser sindoqan. Her ku roja hilbijartinê nêz dibe, di navbera namzetên serokomariyê Macron û Le Pen de gotin tuj dibin. Di heman demê de ev cara duyeme herdu namzet têne pêşberî hev. Lê beriya hilbijartinê erdu namzet wê di weşaneke zindî de derkevin pêşberî hev. Ev weşan ji bo herdu namzetan xwedî asteke krîtîke
24’ê Nîsanê tura duyemnîn ya hilbijartinên Serokomariya Fransa wê pêk werin.
Lê beriya welatî herin ser sindoqan û namzetên xwe diyar bikin, wê Emmanuel Macron û Marine Le Pen bên pêşberî hev.
Namzet wê hewl bidin ku dengdêran di nava rojên dawî ya beriya çûyîna ser sindoqan razî bikin.
Weşana zindî wê mezintirîn kanala dewletê ya welêt France 2 û mezintirîn kanala taybet TF1 were dayîn.
Bernameya ku wê 20’ê Nîsanê roja Çarşemê saet 22:00’an 10li gor saeta Rojavayê kurdistanê wê despê bike.
Bername wê 2 saetan zêdetir bidome.
Çavê Fransiyan wê li namzetan be
Bernameya ku wê 4 roj beriya hilbijartinê bi awayekî zindî were weşandin, wê bibe bernameya yekane ya nîqaşê ku her du namzet tê de werin cem hev.
Anketên dawî diyar dikin ku ferqa di navbera her du namzetên ku beriya 5 salan di tûra duyemîn de hatin hemberî hev, gelekî kêm bûye.
Di bernameya nîqaşê ya ku 24’ê Nîsana 2017’an de hat lidarxistin de, Emmanuel Macron li hember hevrikê xwe xwedî avantajeke mezin bû û ev serkeftin paşê ji hêla Le Pen ve hat qebûlkirin.
Di hilbijartinên ku çend roj şûnde hatin kirin de Macron ji sedî 66 ê dengan sitand, lîdera rastgirên tund Marine Le Pen jî ji sedî 33,9’ê dengan anî.
Anketên dawî nîşan didin ku Macron ji sedî 54 û hevrika wî Le Pen jî ji sedî 46 e.
Saziya dijî gendeliyê ya Yekîtiya Ewropî Olaf, seroka partiya Yekîtiya Niştimanî Marine Le Pen û çend endamên partiyê, ku bavê wî jî di nav de ye, bi 620 hezar euro birina ser hesabê xwe tewambar dike.
Sazî îdia dike ev yek di dema endamên Parlamena Ewropa de pêk hatiye.
Di raporta 116 rûpelî ya ku gihîştiye malpera Fransî ya rojnamevaniya lêkolîner Mediapart de, tê tawanbarkirin ku endamên partiyê fonên YE ji bo partiyê bikar anîne.
Diyare ev îdia wê serê Le Pen bi têra xwe bi êşêne.
