Cejna Çarşema Serê Nîsanê li Şengalê hat pîrozkirin. Malbatên şehîdan di cejnê de destpêkê bi saziyên Rêveberiya Xweser re serdana gorên şehîdan kirin. Malbatan li ser gorên şehîdan peyama tifaq û berxwedanê dan.
Çarşema Serê Nîsanê ku cejna herî pîroz a Êzidiyan e, di bin dorpêç û êrîşên artêşa Iraqê de hat pîroz kirin.
Wekî her sal malbatên şehîdan, sazî û dezgehên Rêveberiya Xweser di saetên sibehê de serdana Goristana şehîdan kirin.
Wekî rê û resmên olî yên Êzdiyatiyê, malbatên şehîdan tiştên ku bi xwe re biribûn danîn ser gorên şehîdan û cejin li hemû cangoriyên Êzîdxanê pîroz kirin.
Piştre endamê Civaka Koordînasyona Êzidiyên Ewropayê Cercûr Cemîl axivî û balkişand ser gef û êrişên li ser Şengalê û got:
“Eger îro em dikarin li vir biaxivin û rojên xweş biafirînin bi saya van şehîdên me ne..”
Cercûr Cemîl bang li civaka Êzidî ya derveyî welat kir da ku vegerin ser axa pîroz..
Hevseroka Desteya Rêvebir a Şengalê Riham Hesen jî di destpêka axaftina xwe de behsa mîrasa şehîdan kir û got:
“Hevalê Dijwar her digot ‘Doza me mezin e, em dest ji doza xwe bernadin û eger ev têrê nekir emê zarokên xwe jî di ser de bidin’,
Bîranîna van şehîdan ji nû ve sozdayîna me ya vê dozê ye.”
Herî dawî dayika Hevserokê Desteya Rêvebir a Şengalê Merwan Bedel jî axivî û diyar kir ku ew li pey doza hemû şehîdên Şengalê ne.
Bi ruhê berxwedanê civaka Êzidî cejna xwe pîroz kir
Îro civaka Êzidî bi cil û bergên xwe yên resen li deriyê Geliyê Kersê bi şahiyekî mezin cejin pîroz kirin.
Tevî zext û dorpêçê jî gelek mêvan ji Ewropa û Rûsyayê tevlî şahiyê bûn.
Her wiha gelek hunermend jî amadebûn.
Di destpêka Şahiyê de endamê PADÊ Silîman Hecî axivî û got:
“Heta ku yek şervanekî me hebe em tu car dev ji bîr û bawriya xwe bernadin.
Li darxistina me ya vê şahiyê jî bersiva herî mezin ji dijiminên civaka Êzidî re ye.”
Li ser navê TAJÊ jî Kinê Xidir axivî û diyar kir ku tu hêz nikare vîn û baweriya civaka Êzidî bişkîne û got:
“Em weke çiyayên xwe li ber xwe didin û bila dijminên me baş bizanin ku îradeya me Tawûsê Melek û Şehîdên me ne.”
Li ser navê Rêveberiya Xweser ya Şengalê Heso Birahîm jî axivî û got:
“Ji hezaran salan li dijî me û bawariya me êrîş heye.
Lê belê em li vir di vê cejna xwe de dibêjin heya zarokekî me hebe wê cejnên me bên pîroz kirin.
Di dawiyê de şahî bi gerandina govendê bi dawî bû.
https://rojnews.news/ku/kurdistan/bi-ruhe-berxwedaniye-civaka-ezidi-cejna-xwe-piroz-kir/
