Li herêma Mariupol şerê herî dijwar li kargeha Azovstal pêk tê. Rûsya dixwaze beriya 9’ê Gulanê roja serkeftina şerê li dijî NAZI yan herêmê kontrol bike. Moskow ragihand ku wan çekên ji DYA û Ewropa bo Ukrayna hatine şandin kirine armanc. Ukrayna jî îdia kir ku hêzên wan li keştiyeke Rûsya ya di nava tevgerê de bû xistiye. Di vê navberê de, Serokê Ukrayna Zelensky şertê danûstandinan a bi Rûsya re diyar kir.
Şerê li Ukrayna ji texmînên Moskow dirêjtir kir.
Hêzên Ukrayna yên li kargeha Azovstalê li dijî Rûsya li ber xwe didin, karîn heta niha pêşdeçûna hêzên Rûsya lewaz bikin.
Ev dimenên dawî yên ji kargehê hatine kişandin e.
Hêzên Rûsî yên ku ji meha Nîsanê ve dor li kargehê girîtîn, rê nedida ku piştevanî bo hêzên Ukrayan bêne şandin.
Şêrê herî dijwar yê ji despêka şerê li Ukrayna li vê herêmê pêk hat.
Herî dawî Kremlînê ragihand ku doh 50 sivîlên din jî ji kargehê bo cihên ewle hatine veguhestin.
Rûsya: Li Xarkovê çekên DYA û Ewropa bûn armanca êrişên me
Di vê navberê de, Rûsya ragihand ku li herêma Xarkîvê, çekên ji DYA û Ewropa bû Ukrayna hatine şandin bûye aramanca hêzên wan.
Berdevkê Wezareta Parastinê ya Rûsyayê Îgor Konaşenkov derbarê şerê li Ukrayna de daxuyaniyek da.
Îgor Konaşenkov ragihand ku gelek çekên ku ji DYA û welatên Ewropayê ber bi Ukraynayê ve hatibûn şandin, li nêzî stasyona trenê ya Bogoduhov a herêma Xarkovê hatin bêkêrkirin.
Konaşenkov îdia kir ku heta niha 152 balafir, 112 helîkopter, 2 hezar û 895 tank û wesayîtên zirxî yên artêşa Ukrayna hatine bêkêrkirin.
Ukrayna: Me li keştiya Rûsya ya di nava tevgerê de bû xist
Sererkaniya Ukrayna jî ji aliyê xwe ve bîlançoya şer eşekre kir.
Di daxuyaniya ji aliyê sererkaniyê va hatî dayîn de hate gotin, hêzên wan li keştiyeke Rûsya ya di tevgerê de bû hatiye xistin.
Li gorî Ukrayna;
Heta niha 25 hezar û 100 leşkerên Rûsya hatine kuştin.
199 balafir, 155 helîkopter, 122 tank û 11 keştiyên artêşa Rûsya hatine têkbirin.
Zelensky şertên danûstandina li gel Moskow eşkere kir
Serokomarê Ukrayna Volodymyr Zelensky şertên danûstandina li gel Rûsya eşkere kir:
Zelensky got: “Lihevkirinên bi Rûsyayê re divê li ser bingeha vegera hêzên Rûsyayê li baregehên ku beriya destpêkirina şer lê bûn, be.”
Lê belê Zekensky behsa Nîvgrava Kirim ku Rûsya ji 2014`an ve wê kontrol dike, nekir.
NATO derbarê çekên nukleerî de Rûsya hişyar kir
Bi dirêjbûna şerê li Ukrayna re NATO di her fersendê de rêveberiya Moskow hişyar dike.
Sekreterê Giştî yê NATOyê di daxuyaniya xwe ya ji bo rojnameya Almanî Welt am Sonntag de hişyarî da Rûsyayê ku di şerê Ukraynayê de çekên nukleerî bikar neyne.
Stoltenberg diyar kir ku şerê li Ukraynayê dibe “mehan heta bi salan jî bidome”.
