Di demekê ku şerê li Ukrayna gur bûye de, Serokê DYA Biden serdana Japonya kir.
Biden li wir, piştevaniya endamtiya daîmî ya Japonya ji bo endamtiya Konseya Ewlekariyê NY kir.
Her wiha Biden rêveberiya Çînê hişyar kir û got;Di rewşa êrişeke li dijî Taywanê de, ew ê bersiveke leşkerî bidin.
Eger ji aliyê Neteweyên Yekbûyî (NY) ve were qebûlkirin, Japonya piştî DYA, Rûsya, Çîn, Fransa û Îngilîstanê wê bibe 6’emîn endamê daîmî yê Konseya Ewlekariyê ya NY.
Serokê DYA Joe Biden, piştî hevdîtina dualî ya bi Serokwezîrê Japonya Kishida Fumio re li Tokyoyê, di civîneke çapemeniyê de diyar kir ku ew piştgiriyê didin mazûvaniya lûtkeya bê ya G-7 a ji aliyê Hîroşîmaya ku cihê jidayikbûna Serokwezîrê Japonê ye.
Serokwezîrê Japonya Fumio jî diyar kir ku Biden piştevaniya xwe ya ji bo endamtiya wan di Konseya Ewlekariya NY de aniye ziman.
Biden rêveberiya Çînê hişyar kir: Ger çîn taywanê dagir bike em ê destwerdanê bikin
Joe Biden hişyarî da ku eger Çîn êrîşî Taywanê bike, welatê wî dê destwerdana leşkerî bike.
Serokê Amerîkayê teqez kir ku piştî êrişa Rûsya ya li ser Ukrayna re, parastina Taywanê ji her demê zêdetir pêwîst e.
Biden anî ziman ku hewldana Çînê ya ji bo bikaranîna hêzê li dijî Taywanê wê kevirên li tevahiya herêmê bihejîne.
Ji ber vê yekê, hişyarî da ku ev yek wê bibe sedema bûyerên din ên mîna yên li Ukraynayê.
Biden rêveberiya Çînê hişyar kir: Peymana bazirganiya Hind-Pasîfîkê wê bi kêrî gelê herêmê were
Biden diyar kir ku peymana bazirganiya aborî ya Hînd-Pasîfîkê ya ku nû hatiye avakirin wê hevkariya DYAyê ya bi welatên din ên herêmê re zêde bike û destnîşan kir ku ev peyman wê feydeyên girîng bide gelên herêmê.
Biden bal kişand ku “Amerîka ji bo parastina hevalbendê xwe Japonya bi tevahî pabend e” û got,
“Hevbendiya DYA-Japonya ji bo aştî û bextewariya Hindo-Pasîfîkê kevirê bingehîn e.”
Biden bal kişand ser wê yekê ku her du welat “wê îro û di pêşerojê de bi hev re derbas bikin.”
Divê navberê de, Koşka Spî jî li ser mijdarê daxuyaniyek da û teqezî li ser wê yekê hat kirin ku lihevkirina bazirganiya Hind-Pasîfîk wê rê bide Amerîka û welatên Asyayî ku di gelek waran de hevkariyê zêdetir bikin.
Tê pêşbînîkirin ku peymana nû li ser cîhê Hevkariya Trans-Pasîfîkê ya ku Serokê berê Donald Trump di sala 2017’an de derketibû, were çêkirin.
Çînê bersiv da gefên Biden: Divê DYA îradeya gelê Çînê ya ji bo parastina xwaka xwe biçûk nebîne
Wezareta Karên Derve ya Çînê li dijî gefên Biden bersiv da.
Berdevkê Wezaretê Wang Wenbin got:
“Divê Amerîka biryardariya gelê Çînê ya ji bo parastina serwerî û yekparçeyiya axa xwe biçûk nebîne.”
