Bi êrişa Rûsya ya li dijî Ukrayna re, li nava welatên YE metirsiya ewlekariyê derketiye pêş.
Danîmarka ku ji sala 1993’an ve di nava polîtîkayên parastinê yên hevpar ên YE de cih nagire, bi referandumeke dîrokî biryara xwe guhert.
Ji sedî 67 ê gel dengê erê da ku tev li polîtîkayên parastinê yên hevpar ên yekîtiyê bibin.
Danîmarka bi referanduma ku duh pêk hat biryar da ku tevlî polîtîkayên hevpar ên ewlehî û parastinê yên Yekîtiya Ewropayê bibe.
Ji sedî 67’ê gel deng da ku welat di nava polîtîkayên ewlekarî û parastinê yên YE’yê de cih bigire.
Danîmarka ku yek ji endamên damezrîner ên NATOyê ye, ji sala 1973’an ve endamê Yekîtiya Ewropayê ye.
Lê, ji sala 1993’an ve, bi rêkûpêkek taybetî, mafê wê heye ku beşdarî siyasetên ewlekarî û parastinê yên Yekîtiya Ewropî nebe.
Her wiha beşdarî mîsyonên leşkerî yên yekîtiyê yên li derveyî welat nebe.
Serokwezîra Danîmarka: Me sînyalek pir girîng da
Serokwezîra Danîmarkayê Mette Frederiksen piştî referandumê wiha got:
“Îro Danîmarka sînyalek pir girîng da.
Ji hevalbendên me yên li Ewropa û NATOyê re û ji (Serokê Rûsyayê Vladimir Putin) re.
Heke Putin welatekî azad dagir bike û gefê li aramiya Ewropayê bixwe, em yên mayîn wê xwe bikin yek.”
Mette Frederiksen berî dengdanê got ku welatê wî “pir piçûk e ku di cîhanek pir bê ewle de bi tenê bimîne”.
Frederîksen Ewropa weke qonaxa beriya êrişa Rûsya li dijî Ukrayna û piştî wê di nava 2 beşan de digre dest.
Welatê Ewropaya Bakur ku bi nifûsa xwe nêzî 5,5 mîlyon e, 4,3 mîlyon hilbijêrên qeydkirî hene.
Ji sedî 66,9 ê hilbijêran dengê xwe dan ku beşdarî polîtîkayên ewlehiyê yên YE bibin.
Seroka Komîsyona YE Ursula von der Leyen û Serokê Konseya Ewropayê Charles Michel daxuyanî dan û bi keyfxweşî encamên referandumê pêşwazî kirin.
Du hefte piştî destpêkirina êrişa Rûsyayê ya li ser Ukraynayê, Frederiksen bi eşkere ragihandibû ku piştî lihevkirina bi piraniya partiyên parlamentoyê re wê referandûm were kirin.
Wî her wiha da zanîn ku lêçûnên parastinê wê li gorî armancên endamtiya NATOyê ji sedî 2’yê berhema navxweyî were kêmkirin.
