Cîgirê Hevserokatiya Daîreya Têkiliyên Derve ya Bakur û Rojhilatê Sûriyê Fener Kiêt diyar kir ku çeteyên DAIŞ’ê ji gef û êrişên dewleta Tirk ên li ser Bakur û Rojhilatê Sûriyê derfet digirin da ku xwe ji nû ve birêxistin bikin. Fener Kiêt got pêwîst e civata navneteweyî pirsgirêka çeteyan çareser bike, ji ber xeteriya wê ne tenê li ser herêmê, li ser tevahiya cîhanê heye.
Cîgirê Hevserokatiya Daîreya Têkiliyên Derve ya Rêveberiay Xweser Fener Kiêt derbarê gefên dewleta Tirk a dagirkeriyeke nû li ser herêmê û xeteriya wê û bi taybet li ser dosya DAIŞ’ê ji ajansa Hawarê re axivî.
Fener Kiêt destpêkê bêdengiya dewletên têkildarî dosyaya çeteyên DAIŞ’ê rexne kir û wiha got, “Tevî hemû bangên Rêveberiya Xweser li dewletên eleqeder bi dosya DAIŞ’ê, lê bersiva dewletan ne li gorî xeteriya dosyayê bû.
Kiêt bal kişandid li ser gefên dagirkeriya Tirk li ser herêmê û got, “çeteyên DAIŞ’ê mijûlbûna hêzên parastinê bi parastina sînor li dijî gefên dewleta Tirk derfet digirin û hewl didin xwe ji nû ve zindî bikin. Ev yek bandor li rewşa ewlehî ya di hundirê kampan de jî kiriye.”
Fener Kiêt: Pirsgirêka DAIŞ’ê li ser tevahiya cihanê xeter e
Fener Kiêt êrişa dawî ya şaneyên çeteyên DAIŞ’ê li ser girtîgeha Sînaa ya li bi bîr xist û got, “Divê civata navneteweyî û YE bi lez vê dosyayê bi dawî bikin, ji ber xeteriya wê li ser herêmê û tevahiya cîhanê jî heye.
Fener Kiêt: Rêveberiya Xweser ji bo çaresekirina dosya DAIŞ’ê gelek çare pêşkêş kir
Têkildarî dosyaya çeteyên DAIŞ’ê û neçareserkirina wê, Kiêt diyar kir ku nelihvekirina aliyên navdewletî û neçrersekirina aloziya Sûrî ji sedemên wê ne û wiha dewam kir,
“Rêveberiya Xweser di çarçoveya derfetên heyî li gel dewletên YE’ê de lêkolînan pêk tîne û gelek çare pêşkêş kirin.”
Fener Kiêt:Destwerdana dewleta Tirk di Aloziya Sûriyê de hişt bi hezaran terorîst derbasî Sûriyê bibin
Fener Kiêt rola neyênî ku dewleta Tirk di aloziya Sûriyê de anî ziman û got: “Destwerdana neyênî ya dewleta Tirk di aloziya Sûriyê de xeterî zêde kir, ji ber hişt bi hezaran terorîst derbasî hundirê Sûriyê bibin.
Herêmên dagirkirî bûne cihê terorîstan û planên belavkirina tevlihevî li herêmê ji wir têne birêvebirin .
Cîgirê Hevserokatiya Daîreya Têkiliyên Derve ya Rêveberiya Xweser Fener Kiêt der barê bêdengiya civaka navneteweyî li ser dagirkeriya Tirk li Bakur û Rojhilatê Sûriyê de ev yek anî ziman: Heta niha tu helwesteke cidî ya navneteweyî ku zextê li dewleta Tirk bike û sûcên wê li dijî herêmê rawestîne, yan jî bihêle ji herêmên dagirkirî vakişe, tune ye.”
