Fermandarê Biryargeha Navendî ya Parastina Gel Murat Karayilan ji ber çalakiyên wan ên serkeftî gerîlayên li Zap, Metîna û Avaşînê pîroz kir.
Karayilan ragihand ji ber berxwedanan gerîllayên wan, dewleta Tirk şaş maye û got;
Encama şer û berxwedanê, wê qedera faşîmza Tirk diyar bike.
Fermandarê Biryargeha Navendî ya Parastina Gel Murat Karayilan bi rêya cîhazê bêtêlê, ji gerîllayên Zap, Metîna û Avaşînê re axivî.
Karayilan bi bîr xist ku ji 17’ê Nîsanê ve artêşa Tirk bi hemû derfetên xwe hewl dide Qada Zapê dagir bike û got:
Plana wan ew bû ku pêşî tevahiya herêma Medya tevahiya dagir bikin, dûre jî berê xwe bidin Şengal û Rojavayê Kurdistanê.
Lê ji ber berxwedana gerîlla ya li Zapê û Avaşînê xitimîn. Bi taybetî piştî ku li Çiyareş û Kurojaro hevalan derbên giran li wan dan.
Dijmin jî êdî neçar ma nirxandineke nû bike û di plana xwe de hinek guhertinan bike.
Dijmin fêhm kir ku li Zap û herêmên din wisa weke ku plankirî, nikare di demeke kurt de encamê bi dest bixe.
Lewma di 2 mijaran de planên xwe guhertin.
A yekem, ji ber ku asê man, berê êrişên xwe dan rojavayê Zapê.
Yanî dagirkirina Girê Cûdî, Girê FM û Girê Hakkarî xistin nava plana xwe.
A dûyemîn jî; dewleta Tirk xwest sûdê ji şerê Ukraynayê bigre û bi vî awayî berê êrişên xwe bide Rojava.
Murat Karayilan: Mîna Zap’ê, wê gelê Rojava jî bersiva pêwîst bide dagirkeran
Hesabê wan ev e.
Ango ji ber ku rêjîma heyî ber bi hilweşandinê ve diçe, dixwaze bi şerê li dijî Kurdan, rojeveke siyasî ji bo xwe ava bikin û bi vî rengî hilbijartina pêşwext pêk bînin.
Bi vî awayî dixwazin pêşî li hilweşandina xwe bigirin.
Lê çawa ku li qadên gerîlla bersiva pêwîst girtin û xetimîn, wê li Rojavayê Kurdistanê jî bersivê bigirin.
Eşkere ye ku gelê Rojava û tevgerên wê xwe ji bo êrişê amade kirine.
Baweriya me ew e ku ew careke din Efrîneke dûyemîn rû nede.
Fermandarê Biryargeha Navendî ya Parastina Gel, Murat Karayilan anî ziman ku berxwedana li qadên gerîlla û Rojavayê Kurdistanê wê qedera rêjîma Tirk diyar bike û got:
Yê niha qedera hukûmeta AKP-MHP’ê diyar bike şerê li Zap, Metîna û Avaşînê ye.
Yanî dema hilbijartin çêbû, ya ku encamê diyar bike ne propaganda siyasî ye û wê encama şerê li van herêman be.
Bêguman encama şerê li Rojava jî bandora xwe zêde ye.
Li ser vê bingehê divê mirov nêzî şer bibe.
Ji bo gelê me bi serketineke nû şa bibe û li ser axa pîroz bi azadî bijî,
Ji bo gelên herêmê ji zordestiya Tûraniyan rizgar bibin, pêwîste her kes bi fedekarî û berpirsyarî tevbigere.
