Di navabera rêveberiya Tel Evîv û Tahranê de, careke din peyamên gefxwarinê di asta herî jor de ne.
Serokwezîrê Îsraîlê Bennett Tahran hişyar kir û got:
Aliyê terorîstan dişîne wê berdêla wê bide.
Bennett carke din bang li welatiyên Îsraîlê kir ku ji ber ewlekariyê serdana Tirkiyê nekin.
Rêveberiya Til Evîv li ser welatiyên xwe yên ji derve bitirse.
Ji ber gefên Îranê yên di demên dawiyê de, Îsraîl dixwaze tevdîrên ewlekariyê zêde bike.
Serokwezîrê Îsraîlî Naftali Bennett di axaftina xwe ya di vekirina civîna heftane ya civata wezîran a li Qudsê de got,
“Em niha dibin şahidê hewldanên Îranê yên ku li gelek deverên derveyî welêt êrîşî Îsraîliyan dike.
Saziyên ewlehiyê yên Îsraîlî ji bo pêşîgirtina li van hewldanên bi vî rengî beriya ku pêk werin tevdigerin.
Em ê bi domdarî yên ku terorîstan dişînin bikin armanc.
Û ew ê berdêla vê yekê bidin.”
Bennett banga xwe ya ji bo welatiyan a serdana Tirkiyê nekin dûbare kir û hişyarî da ku Îsraîlî neçin Tirkiyê.
Ji aliyeke din ve berpirsên ewlekarî yên Îsraîlî diyar kirin ku Serokê Dezgeha Îstixbaratê ya Artêşa Muhafizên Şoreşa Îranê Husên Taîb ji bo organîzekirina “êrîşên tolhildanê” yên li dijî Îsraîliyan hatiye erkdarkirin.
Berpirsên Îsraîlî ji medyayê re axivîn û gotin,
Taîb serkirdeyekî bêrehm, tund û kujer bû.
Ev kes ji aliyê îstixbarata Îsraîlê ve ji nêzîk ve dihat şopandin.
Ev hişyariya rayedaran wekî mebesta tasfiyekirina Taîb hat şîrovekirin.
Wezîrê Parastinê yê Îsraîlê Benny Gantz roja borî gotibû,
“Îsraîl amade ye li dijî her êrîşeke li dijî welatiyên xwe, li ku dibin bila bibin, bi derbên giran bersivê bide.”
Di vê navberê de Serokomarê Tirkiye Recep Tayyîp Erdogan bi Serokomarê Îsraîlê Îshaq Herzog re peywendiyek telefonî pêk anî.
Hat diyarkirin ku Erdogan û Herzog li hev kirin ku di mijarên têkiliyên di navbera her du welatan de hevkariyê bidomînin.
Îstixbareta Îsraîl jî dinava fikaran de ye ku li dijî Îsraîliyên li derveyî welat û taybet yên li Tirikiyê metirsî heye.
Niha di navbera herdû welatan de “şerekî siyê” heye.
