Li ser zexta xwezaparêzan welatên YE dixwazin gaza karbûn yan dişînin atmosferê kêm bikin.
Wezîrên Jîngehê yên Yekîtiya Ewropayê li hev kirin ku ji sala 2035’an û pê ve destûr nedin wesayîtên bi benzîn û mazotê bên hilberîn.
Komisyona YE jî dibêje, armanca sereke ew e ku erebe karbondioksîtê nehilberînin.
Wezîrên jîngehê yên welatên endamên YE yê li ser pêşnûmeya ku ji sala 2035’an pê ve destûr ji wesayitên benzînê û mazotê re nayê girtin, li hev kirin.
Lê li ser daxwaza Almanyayê ji sala 2035’an û pê ve wê ji bo wesayitên ku ne tenê elektrîk lê di heman demê de sotemeniya elektronîk jî bikar tînin destûr bên wergirtin.
Pêşniyar ji hêla Komîsyona Yekîtiya Ewropî ve hat pêşkêş kirin.
Di destpêka vê mehê de Parlamentoya Ewropî ronahiya kesk bo pêşniyarê da.
Ev pêşniyar, qedexekirina hemî motorên şewitandina hundurîn digre nava xwe.
Ev mijar li Almanyayê bû sedema nîqaşên tund.
Dema ku Partiya Sosyal Demokrat (SPD) û Keskan piştgirî dan pêşnûmeyê, di heman demê de hevkarê wê yê koalîsyonê, Partiya Demokrat a Azad a lîberal (FDP), israr kir ku divê teknolojiyên wekî şewatên elektironîk neyên dûrxistin.
Li ser vê yekê, Almanya ji Komîsyona Yekîtiya Ewropî re rêbazek pêşniyar kir ku “li ser sotemeniyên ku karbondîoksîtê dernaxin dixebitin.”
Ev yek jî ji bo wesayitên ku dikarin ji 2035’an pêve bibin destûr dixebitin.
E- sotemeniyên sentetîk bi gelemperî bi elektrîkê ji av û karbondîoksîtê têne hilberandin û karbondîoksîtê dernaxin.
Lê ev yek jî girêdayî sotemenî ji hawîrdorê re heval e yan na, dema hilberîna vê enerjiyê de wê bandor li hawirdorê bike yan na digre nava xwe.
Wezîra Hawirdorê ya Almanyayê yê ji Partiya Keskan Steffi Lemke piştî civîna wezîrên hawirdorê yên YE li Luksemburgê daxuyaniyek da.
Steffi Lemke diyar kir ku peymana hatiye kirin di warê zêdekirina tedbîrên parastina avhewayê di trafîkê de qonaxeke girîng e û got,
“Welatên Yekîtiya Ewropayê tenê wê Karbondîoksîtê ji sala 2035’an ve bikar bînin.
Em îşaretek zelal didin ku divê em bigihîjin armancên xwe yên avhewa.”
Timmermanns: Rastî xuya nake lê em jêre vekirî ne
Cîgirê Serokê Komisyona YE Frans Timmermans piştî civîna wezîran diyar kir ku piraniya hilberîneran li ser otomobîlên elektirîkî dixebitin û got:
“Lê Komîsyona YE teknolojiyê bêalî ye.
Ya ku em dixwazin ew e ku otomobîl karbondîoksîtê dernexin.”
Yekîtîya Ewrupa armanc dike ku heta 2030’an belavkirina karbondîoksîtê ji sedî 55 kêm bike.
