Rejîma dewleta Tirk li Madrîd li hemberî komkujiyên li dijî gelê kurd dike, dixwaze endamên NATO bêdeng bike.
Kaxeza zextê ya bo endamtiya Swêd û Fînlandiya weke fersendê bikar tîne.
Beriya lûtkeya lîderên NATO, civîneke 4 alî pêk hat.
Di bazarê de careke din di bin navê PKK’ê de, armanckirina gelê Kurd hebû.
Piştî peymana navbera hersê welatên navborî de, rejîma Tirkiyê ji bo endamtiya van welatan ronahiya kes pêxist.
Lîderên welatên NATO doh ji bo lûtkeyê berê xwe dan paytexta Spanya Madrîdê.
Beriya civînê di navbera Serokên Tirkiye, Swêd û Fînlandiyayê ku ji bo çareseriya krîza endamtiya NATO’yê li hev kirin.
Serokomarê rejîma Tirkiyê Recep Tayyîp Erdogan, Serokomarê Fînlandiyayê Sauli Niinistö, Serokwezîra Swêdê Magdalena û Sekreterê Giştî yê NATOyê Jens Stoltenberg civiyan.
Piştî hevdîtinê di navbera Tirkiye, Swêd û Fînlandiyayê de li ser pêvajoyên endamtiya NATOyê yên Fînlandiya û Swêdê peymaneke sê alî hat îmzekirin.
Stoltenberg da zanîn ku Tirkiyeya ku bi vê reşnivîsê “fikarên wê ji holê rabûn” qebûl kir ku di Lûtkeya NATOyê ya Madrîdê de piştgirî bide endamtiya Fînlandiya û Swêdê.
Di bazara van welatan de, careke din qirkirina li dijî gelê kurd hebû.
Swêd û Fînlandiya di mijara piştevaniya bo dijî PKK’ê de wê li aliyê dewleta Tirkiyê bin.
Her wiha qedexeya çekan ya van welatan li ser Tirkiyê spandiye jî were rakirin.
Serokomariya Tirkiyê jî ev peyman bi daxuyaniyekê eşkere kir û got:
Tirkiyê tişta ku dixwest bidest xist.
Serokatiya Fînlandiyayê jî di daxuyaniya xwe de anî ziman ku her 3 welatan li ser gefeke li dijî wan wê di nava hevkariyê de bin.
Di reşnivîsa hate îmzekirin de, têkildarî Rojavayê Kurdistanê jî wiha hate gotin:
Di vê Swêd û Fînlandiya ti piştevaniyekê bo YPG/PYD’ê neke.
Ev yek hemwextî wê yekê tê kirin ku ji despêka mehê ve, êdî serokomarê rejîma Tirkiyê Erdogan gefa êrişeke dagirkeriya nû li herêmê dixwe.
Ji bo li ser komkujiyên dijî gelê herêmê bêdengiyê bide avakirin kaxeza endamtiya NATO bikar tîne.
Kakabaveh: Divê tawîzên ji bo endamtiya NATO hatî dayîn bên eşkerekirin
Parlamentera Swêdê Amineh Kakabaveh li dijî bazara qirêj ya hatî kirin bertek nîşan da û got:
Divê mafê gelê kurd bê parastin.
YPG û YPJ cîhan ji terora DAIŞ’ê xelas kirin.
Ev peyamana hatî îmzekirin, xiyaneteke li dijî gelê kurd.
Kakabaveh diyar kir ku divê li ser zelaliya reşnivîsa hatî îmzekirin agahî bê parvekirin û xwest Wezîra Karên Derve ya Swêdê Anna Lînda li parlamanê ser mijarê agahiyan bide.
